لندن اکھ
لندن اکھ اک وڈا فیرس پیا اے۔ اے برطانیہ دی راجنگری لندن وچ تھیمز دریا دے نال اے۔ اے 135 میٹر (443 فٹ) اچا اے تے اس پیے دا ریڈیس 60 میٹر (197 فٹ) اے۔ اے جگ دے سب توں وڈے فیرس پیاں چوں اک اے تے یورپ دا سب توں وڈا اے۔ اے برطانیہ وچ سب توں بوتی مولے دے کر ویکھی جان آلی تھاں اے، اک ورے چ ایدے تے 35 لکھ بندے آندے نیں۔ اے 1999 وچ بنایا گیا سی تے اس ویلے جگ دا سب توں وڈا فیرس پیا سی، اس توں وڈے پیئا 2006 وچ سٹار آف نانچنگ (160 میٹر اچا) تے اس توں وی وڈا 2008 وچ سنگاپور فلائر (165 میٹر اچا) بن گیا۔ مگر ایدی اک خاص گل اے جیڑی اس توں وڈۓ پیئاں وچ نئیں: ایدی بنیاد انگریزی ہندسے A دی مورت وچ صرف اک پاسے اے تے سارا وزن اوہ پاسا ای چکدا اے۔
