قصائی چڑی

اضغط هنا للاطلاع على كيفية قراءة التصنيف قصائی چڑی
اسمیاتی درجہ	ٹبر
سائنسی نام
Laniidae  Constantine Samuel Rafinesque   ، ۱۸۱۵
جینیرا
لینیئس یوروسیفالس کورونلا یرولیسٹس
‏‏

قصائی چڑی جس نوں چٹا لٹورا وی کہندے ہن، دیاں وکھ-وکھ نسلاں ساری دنیا وچ پھیلیاں ہوئیاں ہن۔ ایہناں دیاں کوئی 31 ذاتیاں دے پروار دا ناں ‘لینیڈیئی’ اے۔ ایہہ کساناں دا متر پنچھی اے۔ اس دی عمر 12 سال دے لگبھگ ہندی اے۔ ایہہ کھلھے میداناں اتے جھاڑیاں والے علاقیاں وچ رہندے ہن شکار دے ایہہ پچھلے پاسیوں حملہ کردے ہن اتے کئی وار زمین اتے ٹپوسیاں مار کے شکار دا پچھا کردے ہوئے ہوا وچوں ہی دبوچ لیندے ہن۔ ایہہ شکار کردے ہوئے اڈدے-اڈدے ہوا وچ اکو تھاں اتے 20 منٹ تک کھڑ سکدے ہن۔

سائز

چڑے دی لمبائی 22 توں 26 سینٹیمیٹر، اک کھنبھ دا پسار 11.5 سینٹیمیٹر اتے بھار 60 توں 70 گرام ہندا اے۔ اس پوچھ دی لمبائی 11 سینٹیمیٹر ہندی اے جو کالی، لمبی، چٹے سرے والی ہندی اے۔ اس دی پٹھّ والا پاسہ موتیاں جہی چمک والا سلیٹی ہندا اے۔ اسدی کالی-بھاری چنجھ دا اگلا سرا تھلے نوں مڑیا ہویا ہندا اے۔ اس دیاں اکھاں کالیاں جو اپر اک چوڑی کالی پٹی چنجھ توں شروع ہو کے پچھے نوں لنگھدی اے۔ اس کالی پٹی ہیٹھ اک باریک چٹی لکیر ہندی اے۔ اس دیاں گلھاں اتے ٹھوڈی بھورے رنگ دی ہندی اے۔ اس دے کھنبھ موڈھیاں کولوں سلیٹی پر پچھوں ڈن والے کالے اتے چٹے ہندے ہن۔ اس دیاں لتاں اتے پنجے کالے ہندے ہن۔ اس دا ڈھڈّ والا پاسہ چٹا ہندا اے۔

اگلی پیڑھی

اس دی آواز خرویاں پر بہار دے موسم وچ ‘ٹر-ٹرٹ، ٹری-ٹری-پرر، ٹو-ٹو-کرر، ٹو-ٹو-کرر پری-پری’ ورگے گانے گاؤندے ہن۔ ایہناں پنچھیاں دا بہار سماں مئی توں مارچ وچ ہندا اے۔ مادہ وڈے درختاں وچ دو توں 16 میٹر دی اچائی اتے 7 توں 10 دناں وچ پتلیاں سکیاں ٹاہنیاں، گھاہ، لیراں، کاغذ اتے پلاسٹک دے ٹکڑیاں نال آلھنا بناؤندی اے۔ ایہہ اپنے آلھنے نوں والاں اتے کھنبھاں نال پولا بناؤندے ہن۔ نر آلھنے دی اتے اپنے علاقے دی راکھی کردا اے۔ مادہ 3 توں 9 آنڈے جو سلیٹی-نیلے بھاہ والے چٹے انڈے دندی اے۔ انڈیاں اتے پیلے اتے جامنی-سلیٹی بھاہ والے بھورے چٹاک ہندے ہن۔ مادہ سین کے 16 توں 20 دن بوٹ کڈھ لیندی اے۔ انڈیاں وچوں نکلن ویلے بوٹاں دے سریر ننگے، اکھاں بند اتے اوہناں دا رنگ گلابی ہندا اے۔ بوٹ 2 توں 3 ہفتیاں وچ اڈن لگدے ہن۔

حوالے