فراری ایف 12 برلینیٹا

فراری ایف 12 برلینیٹا اک کھیڈ کار اے جینوں اٹلی دی کمپنی فراری بناندی اے۔ ایہ اک اگے انجن تے پچھے زور آلی گڈی اے۔ ایہ 2012 وچ وکھائی گئی تے اینے فراری 599 دی تھاں لئی اے۔ ایدا مل 240،000 پاؤنڈ اے۔

ایہ اپنے 730 ہارس پاور دے وی 12 انجن نال فراری دی سب توں طاقتور کھیڈ گدی اے۔ ایہ اینی طاقتور اے کہ ایہ فرنانڈو الونسو دی ایف 1 گڈی دے نیڑے نیڑے دی طاقت بناندی اے۔ ایہ گڈی بوت وڈی وی نئیں محسوس ہوندی تے تسی اینوں سکون نال شہر وچ پھرن ٹرن لئی کسی وی دوجی گڈی آر ورت سکدے اوہ مگر جدوں تسی شہر توں بعر کھلی روڈاں تے اینوں لیاندے اوہ، ایہ باقی سب گڈیاں توں وکھری ہو جاندی۔ ایہ بوت تیز اے۔

فراری کیندی اے کہ ایے 0 توں 100 کلومیٹر فی کینٹہ دی سپیڈ صرف 3.1 سیکنڈ وچ کر لیندی اے تے اے 340 کلومیٹر فی کینٹے دی سپیڈ تک جاندی اے۔ اینوں ایدا انجن ای نی قاتلانہ بناندا اے، ایدے وچ پرانی 599 توں وکھرا دو کلچ ٹراسمیشن لگیا ہوندا اے۔ ایدے وچ گیئر دستی 1 سیکنڈ توں وی کٹ ویلے وچ بدلدے نیں، تسی اینوں تیز کرو تے گیر بدلو تے اگلے گیر وچ دوری ای نئیں۔ ایدے وچ بوت چنگا فراری دا ٹریکشن قابو سسٹم لگیا اے جیڑا توانوں گڈی دا مزا لین دیندا اے بغیر توانوں مارے۔

مگر سب اس گڈی دی سب توں خاص گل ایدی ہوا نوں ورتنے دا طریقہ اے۔ جدوں بریکاں گرم ہوجاندیاں نیں، ایدے بمپر نال لگے بوے کھل جاندے نیں، ایناں توں ہوا اندر آندی اے تہ بریکاں ٹھنڈیاں کردیاں نیں۔ ایدے بونٹ اتے ہوا نوں گزارن دے راہ بنے ہوۓ نیں جیڑے گڈی دے باریاں نال ہوا تھلے سٹڈے نیں اس نال گڈی ہوا نوں زیادہ پھسلدی اے جس نال ہوا دا اتے زور بندا اے تے گڈی دی روڈ نال پکڑ وددی اے۔ 200 کلومیٹر فی کینٹے دی سپیڈ تہ ہوا دا زور گدے دے اتے 120 کلوگرام ہوندا اے جس نال گڈی روڈ نال جڈی ریندی اے تے بوت تیز سپیڈ نال موڑ کٹ سکدی اے۔

فراری نیں گڈی بناندیاں اس دی جن ورگی طاقت نوں ورتن لئی ہر شے ٹھیک کیتی اے۔ ایناں ساریاں کماں دا نتیجہ اخیر اے۔ پرانیاں وی 12 فراری کھيڈ گڈیاں وڈیاں ہوندیاں سن مگر ایہ ہلکی تے پھرتیلی اے۔ ایہ زبردست اے۔ ایدا سٹیرنگ بوت تیز اے، ہلکہ جیا موڑن نال گڈی راہ بدلدی اے۔