عربی علم الاساطیر
عربی علم الاساطیر (Arabian mythology) قدیم عرب لوکاں دے عرب قبل از اسلام عقائد نیں۔ قبل از اسلام مکہ دا کعبہ مشرکیت، دیوتاواں تے بتاں دی پوجا تے ہور خرافات دا گڑھ سی ۔ قبل از اسلام زیادہ تر معبوداں دا تعلق بتاں نال ملدا ہے خاص طور اوہ بت جو کعبہ وچ موجود سن انہاں دی تعداد تقریبا 360 دے لگ بھگ سی۔ [۱]
معبود
سودھوہبل معبوداں وجوں سبتوں زیادہ قابل ذکر تے معبوداں دا سردار شمار کیتا جاندا سی۔ کعبہ ہبل لئی وقف کر دتا گیا سی۔
ہبل دا بت کعبہ دے قریب رکھیا گیا سی جو کہ اک انسانی شکل دا سی اس دا سجا ہتھ اک سنہری ہتھ نال تبدیل کر دتا گیا سی۔ [۲]
ہور اہم معبود
سودھو- مناف – عورتاں تے حیض نال متعلق دیوتا سی۔ [۳]
- ود - محبت تے دوستی دا دیوتا سی۔ سانپ ود لئی مقدس خیال کیتے جاندے سن۔ [۳]
- ام – چاند دا دیوتا سی جس دی پوجا قدیم قتبان لوگ کردے سن۔
- طالب - چاند دا دیوتا سی جس دی پوجا جنوبی عرب وچ خاص طور تے مملکت سبا وچ ہوندی سی۔
- ذو الحلاس - جنوبی عرب دا اک الہامی دیوتا سی۔
- القوم – انباط دا جنگ تے رات دا دیوتا سی، تے قافلےآں دا محافظ سی۔
- ذو شرى – انباط دا دیوتا سی جس دے معنی "پہاڑاں دا سردار" نیں۔
فوق الفطرت مخلوقات
سودھو
ارواح
سودھو- جن - اک ماورائی آزاد فطرت مخلوق ہے۔
- عفریت – ماورائی شیطانی جن ہے۔
عفریت / بلا
سودھو- نسناس - نصف انسان، جس دے بارے وچ کہیا جاندا ہے کہ اوہ ڈیمن تے انسان دے ملاپ توں پیدا ہویا۔
- غول صحرا وچ رہن والی شکل تبدیل کرن والی بلا ہے۔
- بهموت - اک وڈی مچھلی ہے جس نے زمین نوں سہارا دتا ہویا ہے،اس دا سر دریائی گھوڑے یا ہاتھی نال مشابہت دے طور تے بیان کیتا جاندا ہے۔