شوبھانگی کُلکرنی

شوبھانگی کُلکرنی (جنم 19 جولائی 1959) اک بھارتی زنانی کرکٹ کھڈاری ہے۔ اوہ بھارتی زنانی کرکٹ ایسوشیئیشن دی سیکٹری وی رہِ چکی ہے، جدوں اس ایسوسی ایشن نوں 2006 وچّ بھارتی کرکٹ کنٹرول بورڈ وچّ ملا لیا گیا سی۔

اوہ اک لیگّ-سپنر سی۔ گھریلو کرکٹ وچّ اوہ مہاراشٹر زنانی کرکٹ ٹیم ولوں کھیڈدی رہی ہے اتے انٹرنیشنل کرکٹ وچّ اسنے اپنا پہلا میچ 1976 وچّ ویسٹ انڈیز کرکٹ ٹیم خلاف کھیڈیا۔ ایہہ ویسٹ انڈیز خلاف بھارتی زنانی کرکٹ ٹیم دا پہلا میچ سی۔ اسنے 19 ٹیسٹ میچ کھیڈے سن اتے پنج واریاں وچّ اسنے 5 توں زیادہ وکٹاں حاصل کیتیاں سن۔

شبھانگی نے 5 انٹرنیشنل دوریاں وچّ 27 ون ڈے کرکٹ میچ کھیڈے ہن۔

• 1978 وومین کرکٹ ورلڈ کپ (2 میچ)
• 1982 وومین کرکٹ ورلڈ کپ (12 میچ)
• 1983/84 آسٹریلیائی ٹیم دا بھارتی دورہ (4 میچ)
• 1984/85 نیوزیلینڈ ٹیم دا بھارتی دورہ (6 میچ)
• 1986 بھارتی ٹیم دا انگلینڈ دورہ (3 میچ)

شبھانگی نے تنّ ٹیسٹ میچاں وچّ بھارتی زنانی کرکٹ ٹیم دی کپتانی وی کیتی سی (اک انگلینڈ خلاف اتے دو آسٹریلیا خلاف)۔ اس توں علاوہ انگلینڈ خلاف اک او.ڈی.آئی. میچ وچّ وی اوناں نے کپتانی کیتی سی۔

اسنے 1991 عیسوی وچّ ٹیسٹ کرکٹ توں استعفی دے دتا سی۔ موجودہ سمیں اوہ انٹرنیشنل کرکٹ کونسل دی زانی کرکٹ کمیٹی دی میمبر ہے، جو کہ ایشیائی کرکٹ کونسل ولوں نمائندگی کردی ہے۔