سینیٹوریئم
سینیٹوریئم (Sanatorium) طویل مُدتی بیماری لئی اک طبی سہولتی مرکز اے ، جیہڑا اُنیویں صدی دے آخر وچ تے ویہویں صدی دے شُروع وچ اینٹی بائیوٹکس دی دریافت توں پہلاں ٹی بی (تپ دق) دے علاج ناݪ وابستا اے ۔ "سینیٹوریئم" دی اصطلاح لاطینی لفظ "سنیٹاس" توں نکݪی اے، جیہدا مطلب "صحت" اے ۔ سینیٹوریئم عام طور تے دور دراز علاقےآں، قدرتی ماحول تے پُر فضا مقام اُتے تعمیر کیتے جاندے نیں ۔ تپ دق دے مریضاں دے علاج وچ سورج دی روشنی تے تازا ہوا نوں بہت اہم سمجھیا جاندا اے ۔ سینیٹوریئم وچ صحت مند کھاݨے دے ناݪ ناݪ نگرانی، ورزش تے آرام دے ذریعے صحت نوں فروغ دِتا جاندا اے ۔ سینیٹوریئم وچ مختلف بیماریاں وچ مُبتلا مریضاں دی دیکھ پعھاݪ کيتی جاندی اے تے اوہ مختلف علاج کروا سکدے نيں ۔ سینیٹوریئمز وچ آپریٹنگ دا کَم کرن لئی آپریٹنگ روم ہُندے نیں تے مطالعات تے تجزیاں لئی مختلف آلات موجود نيں ، جِداں ایکس رے ، الٹراساؤنڈ ، ٹوموگرافی ، الیکٹروکارڈیوگرامز وغیرا انجام دیݨ آلیاں مشیناں ۔ ایہ سارے فائدے سینیٹوریئم دے وسیع تصور وچ ظاہر ہُندے نيں ۔ جدید معنےآں وچ سینیٹوریا دی پہلی تجویز ممکنا طور تے جارج بوڈنگٹن نے دِتی سی، جیہنے 1836 وچ سٹن کولڈ فیلڈ وچ اک سینیٹوریئم کھولیا سی تے بعد وچ 1840 وچ "پلمونری کھپت دے علاج" اُتے اپݨا لیکھ شائع کیتا ۔
