پہلا صفہ کھولو
سونکھی
Oriental White Eye- Bhopal I IMG 0656.jpg
دیس: جنور
برادری: کورڈیٹ
ٹولی: پنچھی
پتی: چڑیاں
ٹبر : چٹی اکھ
سائینسی ناں : Zosterops palpebrosus

سونکھی چٹی اکھ ٹبر دی اک چڑی اے۔ ایہ پنجاب پاکستان توں لے کے چڑھدے ول ہندستان تے اگے ملائشیا، انڈونیشیا تک ملدی اے۔

وکھالہلکھو

سونکھی اک نکی چڑی اے جیدے اتلے پر پیلے تے اکھاں دوالے ٹبر دی اچیچی نشانی چٹا چکر اے جیہڑا نکے نکے پراں نال بنیا اے۔ ایہ 8–9 سینٹی میٹر لمی ہوندی اے۔ اتلے پر زیتونی پیلے، چٹا چکر اکھ دوالے تے گلا تے تھلڑی پوچھل پیلی ہوندی اے۔ ٹڈ چٹا سوا ورگا پر کج ونڈاں وچ پیلا وی ہوسکدا اے۔ ایہدیاں 11 نکیاں ونڈاں ویھکیاں جاچکیاں نیں۔

پسارلکھو

سنکھی اپنے اڈن تھاں وچ کئی وکھرے ول دے موسمی تھانواں وچ رہ لیندی اے جنہاں وچ چاڑیاں توں لے کے گلے جنگل آندے نیں۔ ایہ سکے روہی ورگے تھانواں تے نئیں ہوندی۔

ملن ورتنلکھو

ایہ رل مل کے تے ٹولیاں بن کے ریندے نیں۔ نسل ودھائی دے ویلے ای ایہ ٹولیاں وکھ ہوندیاں نیں۔ چٹے گاٹیوالا مچھی مار تے وڈی پتہ نک چمچڑک ایہدا شکار کرلیندے نیں۔

سونکھی
     
سونکھی دا گانا

بارلے جوڑلکھو