سونم ملک

سونم ملک

ذا‏تی معلومات
مکمل نام	سونم ملک
شہریت	بھارتی
پیدائش	15 اپریل 2002 پنڈ مدینہ، سونیپت، ہریانہ
تعلیم	انڈر گریجئیٹ (بیچلر آف آرٹس دی ڈگری)
کھیل
کھیل	کشتی
کوچ	اجمیر ملک

سونم ملک (جم 15 اپریل 2002) ہریانہ دے سونیپت دی اک بھارتی خواتین پہلوان اے۔ نیشنل کھیڈاں وچ سونے دا تمغہ جتن توں علاوہ، اس نے کیڈیٹ عالمی کشتی چیمپیئن شپ وچ دو سونے دے تمغے جتے ہن۔ ملک نے 2016 ریؤ اولمپک وچ کانسے دا تمغہ جتیا اتے ہم وطن ساکشی ملک نوں وی دو وار ہرایا۔

نجی زندگی اتے پچھوکڑ

ملک دا جم 15 اپریل 2002 نوں سونیپت، ہریانہ دے مدینہ پنڈ وچ ہویا سی۔ اس دے پیؤ اتے اک چچیرا بھرا جو کہ پہلوان سن، اوہ ملک نوں اس کھیڈ وچ اگے ودھن دے فیصلے وچ مددگار ثابت ہوئے۔ ایہہ اس دے پیؤ ہی سی جنہاں نے ملک نوں اپنے پنڈ دے نیتا سبھاش چندر بوس سپورٹس کمپلیکس وچ کوچ اجمیر ملک دی اگوائی ہینٹھ سکھلائی لئی بھیجیا سی۔ شروعات وچ اوہناں کول سہولتاں ناکافی سن اتے کوچنگ اکیڈمی کول مشق کرن لئی میٹ وی نہیں سی۔ کھڈاریاں دی سکھلائی میدان وچ ہندی سی،پر برسات دے دناں دوران میدان وچ چکڑ ہون کرکے کھڈاریاں نوں مجبوراً سڑک اتے مشق کرنا پیندا سی۔ زریعاں دی کمی دے باو جود چنگی سکھلائی دتی جاندی سی۔

2017 وچ اک ٹورنامینٹ دے دوران سونم دا موڈھا زخمی ہو گیا۔ علاج لگبھگ ڈیڈھ سال جاری رہا۔ (2) کھیڈن توں علاوہ ملک اس ویلے بیچلر آف آرٹس دی ڈگری لے رہی اے۔

پیشہ ور کریئر

ملک نے سال 2016 وچ نیشنل سکول کھیڈاں وچ سون تمغہ جتیا۔ 2017 وچ اس نے کیڈیٹ نیشنل چیمپیئن شپ وچ چاندی، عالمی سکول کھیڈاں وچ سون، کیڈیٹ ایشیائی کشتی چیمپیئن شپ وچ کانسی اتے کیڈیٹ عالمی کشتی چیمپیئن شپ وچ سون تمغے حاصل کیتے۔ 2018 وچ اس نے کیڈیٹ ایشیائی کشتی چیمپیئن شپ اتے کیڈیٹ عالمی کشتی چیمپیئن شپ وچ کانسی دے تمغے جتے۔ 2019 وچ ملک نے پھر کیڈیٹ عالمی کشتی چیمپیئن شپ وچ سون تمغہ جتیا۔

2020 اسنے دو مہینیاں دے وقفہ وچ دو وار 2016 ریؤ اولمپک دی کانسی دا تمغہ جیتو ساکشی ملک نوں ہرایا۔ پہلی جت اس نے جنوری وچ ایشیائی چیمپیئن شپ وچ حاصل کیتی اتے پھر ملک ایشیائی اولمپک چیمپیئن شپ کوآلپھر وچ فروری وچ ادوں چنی گئی جدوں اس نے اولمپئن نوں چتّ کیتا۔

اوہ اولمپک گولڈ کئیسٹ (اوجیکیو) ولوں کھیڈدی اے جو کہ اک غیر لابھکاری ادارہ اے جو ایتھلیٹاں نوں اولمپک تمغہ جتن وچ مدد کردی اے۔

تمغے

سونے دا تمغہ - کیڈیٹ عالمی کشتی چیمپیئن شپ، 2019

چاندی دا تمغہ - کیڈیٹ ایشیائی چیمپیئن شپ، 2019

کانسی دا تمغہ - کیڈیٹ ایشیائی کشتی چیمپیئن شپ، 2018

کانسی دا تمغہ -  کیڈیٹ عالمی کشتی چیمپیئن شپ، 2018

سونے دا تمغہ -  کیڈیٹ عالمی کشتی چیمپیئن شپ، 2017

سونے دا تمغہ - عالمی سکول کھیڈاں، 2017

کانسی دا تمغہ - کیڈیٹ ایشیائی کشتی چیمپیئن شپ، 2017

حوالے