سورجی مشاہدہ رصدگاہ

سورجی مشاہدہ رصدگاہ یورپی خلائی ایجنسی اک سائنسی رصدگاہ اے تےکولمبس لیبارٹری دا حصہ اے جہڑی بین القوامی خلائی سٹیشن دا اک جز اے ۔ کولمبس موڈل فروری 2008ء چ ایس ٹی ایس-122 راکٹ تے خلا چ بھیجیا گیا سی ۔ تے سورجی مشاہدہ رصدگاہ کولمبس لیبارٹری دے باہر یورپی ٹیکنالوجی ایکسپوژر فیسیلیٹی دے نال لگایا گیا سی ۔ کولمبس دے اتے باہرلے پاسے ، مستقبل دے مشناں چ کجھ دوجے جز لان دا منصوبہ وی اے جنہاں چ خلا چ اینسمبل ایٹمی کلاک وی شامل اے ۔

سورجی مشاہدہ رصدگاہ

ایہہ رصدگاہ (سولر) تن خلائی سائنسی آلات :SOVIN , SOLSPEC تے SOL-ACES اتے مشتمل اے ۔ ایہہ تنوں مل کے سورج دی طیف شعاع ریزی یعنی سپیکٹرل ایریڈیئنس دے واضع تے بہتر ناپ مہیا کرن گے ۔ بین القوامی خلائی سٹیشن تے لگن دے مگروں سولر نوں مسلسل 1.5 سال تک آپریٹ کرن دا منصوبہ اے ۔

اس مشن نوں اصل چ 2003ء لئی پنال کیتا گیا سی سی پر خلائی شٹل کولمبیا دی تباہی پاروں اس منصوبے نوں التوا چ پا دتا گیا ۔

مورت نگری

• 
  NASA Image: S122E009344

حوالے

• کولمبس دی باہرلی پےلوڈ فیسیلیٹی تے سورج دا مشاہدہ Archived 2007-11-05 at the وے بیک مشین پبلشر ناسا 2007ء ۔