سرکاری گزٹ
سرکاری گزٹ (Government gazette) (جیہنوں سرکاری جریدہ، سرکاری اخبار، آفیشل مانیٹر یا آفیشل بلیٹن وی کہیا جان٘٘دا اے) اک متواتر اشاعت اے جیہنوں سرکاری یا قانونی نوٹس شائع کرن دا اختیار دِتا گیا ہُن٘دا اے۔ ایہ عام طور تے قانون یا سرکاری کارروائی دے ذِریعے قائم کیتا جان٘دا اے تے ایہدے اندر نوٹسِز دی اشاعت کیتی جان٘دی اے چاہے حکومت ولّوں ہوݨ یا نِجّی پارٹی ولّوں۔ عام طور تے سرکاری نوٹس دے قانونی تقاضیاں دی تَعمیل لئی کافی سمجھیا جان٘دا اے۔
گزٹ پرِنٹ یا الیکٹرانک یا دونوں طرحاں شائع ہُن٘دے نیں۔
کچھ دائرہ اختیار وچ نِجّی ملکیت واݪے اخبارات وی سرکاری تے قانونی نوٹسِز شائع کرن لئی سرکاری حکام دے ناݪ رجسٹر کرسکدے نیں۔ ایسے طرحاں عدالتاں، قانونی نوٹسِز دی اشاعت لئی اک نِجّی اخبار نوں نامزد کر سکدیاں نیں۔ ایہناں اخباراں نوں "قانونی طور تے فیصلہ شدہ اخبارات" (legally adjudicated newspapers) کہیا جان٘دا اے۔