سرازی زبان
| سرازی | |
|---|---|
| Sarazi | |
 | |
| مقام | ڈوڈا، وادی چناب |
| علاقہ | سراز |
| بولن والے لوک | سرازی |
ہند۔یورپی
| |
| بولی کوڈ | |
| ISO 639-3 | None (mis) |
| Glottolog | sira1264[۱] |
سرازی یا سراجی، وادی چناب دی اک ہند آریائی زبان اے۔ ایہدا علاقہ سراز اے جیہڑا اک پہاڑی علاقہ اے جو ڈوڈا ضلعے دے شمالی نصف حصے تے رامبن تے کشتواڑ ضلعےآں دے کچھ حصےآں اُتے مشتمل اے۔
سرازی نوں مادری زبان دے طور تے بولݨ والے افراد دی تعداد 2001ء وچ 46000 سی۔
سرازی دی کشمیری تے پہاڑی ونگوں بھدرواہی نال وی مماثلت اے۔ ایہدے وکھ وکھ مقامی نام، جو وکھ وکھ پڑبولیاں دی نمائندگی کر سکدے نيں، ایہناں وچ بھگوالی، دیسوالی تے کوراروالی شامل نيں۔
سرازی زبان نوں لِکھݨ لئی عربی فارسی لپی لپی ورتی جاندی اے۔
درجہ بندی
سودھو20ویں صدی دے اوائل وچ جارج ابراہم گریئرسن نے کشمیری تے مغربی پہاڑی نال مماثلت دا مشاہدہ کیتا تے ایہ نوٹ کردے ہوئے کہ سرازی نوں دوناں وِچوں کسے اک دے نال تقریبن یکساں طور تے درجہ بند کیتا جا سکدا اے، ایہدے باوجود زبانی نمونےآں تے دیگر جگہاں وچ مشترکہ خصوصیات دی بنیاد اُتے ایہنوں کشمیری دی پڑبولی دے طور تے تسلیم کرن دا انتخاب کیتا۔
اگرچہ سرازی نوں ہُݨ وی کدی کدی کشمیری پڑبولی دے طور تے سمجھیا جاندا اے، حالیہ مطالعات نے ایہنوں عام طور تے مغربی پہاڑی گروپ دے رُکن دے طور تے رکھیا اے۔ ایہ گل بولݨہاراں دے اپݨے تاثرات نال مزید مطابقت رکھدی اے جو اپݨی زبان نوں کشمیری نال مُنسلک نئیں سمجھدے تے اپݨے آپ نوں کشمیری دے طور تے متعارف نئیں کراؤندے۔
فروغ
سودھوسرازی زبان دے فروغ تے تشہیر لئی اک نیوز آؤٹ لیٹ چناب ٹائمز دی طرفوں سرازی تے بھدرواہی زباناں وچ روزانہ نیوز ہیڈ لائنز دا پروگرام نشر کیتا جاندا اے۔[۲][۳]
حوالے
سودھو- ↑ (2013) "Siraji of Doda", Glottolog. Leipzig: Max Planck Institute for Evolutionary Anthropology.
- ↑ "Cultural Academy Doda non-functional since long". Early Times (newspaper). 18 August 2021. http://www.earlytimes.in/m/newsdet.aspx?q=321562.
- ↑ "چناب ٹائمز' دے وفد دی ڈپٹی کمشنر ڈوڈا نال ملاقات". Kashmir. 7 August 2021. https://www.kashmiruzma.net/NewsDetail?action=view&ID=91493.