ساہے چٹھی

ساہے-چٹھی, ایہنوں ویاہ دی چٹھی وی آکھدے ہن۔ایہہ چٹھی پہلے سمیاں چ دو مہینے پہلاں بھیج دیندے سی ادوں اس چٹھی دی رسم توں بعد ویاہ والی کڑی تے منڈے دے گھراں چ تیاریاں شروع ہو جاندیاں سن پر ہن ایہہ کئی وار ضابطہ جیہا پورا کرن لئی ۵٬۷ دن پہلاں وی بھیج دتی جاندی اے۔ایہہ چٹھی دھی والیاں ولوں ستکار نال منڈے والیاں دے گھر بھیجی جاندی اے۔ سیانے بندے صلاح کردے سن کہ کس دن چٹھی بھیجنی اے۔ اس توں اک دن پہلاں شریکے بھائیچارے وچ لاگی دے ہتھ سدا بھیجیا جاندا سی ۔ جدوں گھر دی بیٹھک چ شریکے دے موہتبر اکٹھے ہو جاندے تاں پڑیا لکھیا انسان چٹھی لکھدا ،چٹھی دھی دے پروار ولوں لکھی جاندی ۔

اک اوانکار لکھ کے لکھتم فلانا سنگھ کرکے لکھی جاندی کہ ساڈی دھی دا ویاہ تہاڈے پتر فلانا سنگھ نال اس تاریخ نوں ہونا طے ہویا سو تسیں اس تاریخ نوں جنج لے کے ساڈے پنڈ/ شہر پدھارو، نال بینتی وی کر دیندے سی ،ویلے سر پہنچ جانا جی تاں جو انند کم دی رسم۱۲ وجے توں پہلاں ہو جاوے۔ تے تھلے نام لکھ دتے جاندے سن ۔ چٹھی نوں ہلدی لائی جاندی اے،وچ ہری کھبل ( ہرا گھاہ) تے باہر مَوݪی بنی جاندی۔ چٹھی لکھن والے نوں شگن دتا جاندا سی تے چٹھی وچ وی شگن وجوں پیسے پائے جاندے سن۔ اک طرحاں نال ایہہ پروف ہندا سی بئی ساڈی دھی دا ویاہ تہاڈے پتر نال ہو رہا اے تے موہتبر بندے گواہ ہندے سن۔ چٹھی دے نال گڑ ،پتاسے بھیجے جاندے سن پر اج کل دکھاوا زیادہ ،چٹھی وی بنی بنائی ملدی آ بس وچ تاریخ تے نام بھرنے ہندے ہن۔ گڑ ،پتاسیاں دا تھاں بھانت بھانت دی مٹھیائی دے ڈبے بھیجے جاندے ہن۔

چٹھی لکھ کے وچولے نوں دے دتی جاندی تے اوہ لاگی نوں نال لے کے منڈے والیاں دے گھر پہنچدا اے۔ تیل چو کے اندر بٹھایا جاندا جویں چٹھی لکھن ویلے شریکے بھائیچارے دے موہتبر بندے ہندے نے اویں منڈے والیاں نے وی اک دن پہلاں شریکے بھائیچارے وچ سدا دتا ہندا کہ ساڈے اج ویاہ دی چٹھی آؤنی اے۔ چٹھی بہت ستکار نال منڈے دے گھر دے پھڑدے ہن ۔ چٹھی دے دوالیوں مَوݪی( کھنمنی) خول کے اک جانا چٹھی پڑدا باقی سبھ سندے ہن۔ چٹھی پڑن والے نوں اوہ پیسے وی ملدے ہن جو چٹھی وچ ہندے ہن تے گھر والیاں ولوں وی شگن دتا جاندا۔ چٹھی پڑن والیاں نوں چاہ پانی پیایا جاندا بس اوہناں توں اگانھ خبر پہنچ جاندی پنڈ وچ کہ فلانا سیوں دے منڈے دا ویاہ ایس تاریخ نوں آ۔ جو لاگی چٹھی لے کے آؤندا اس نوں بندا لاگ دے کے وداع کیتا جاندا۔ ایہو جہیاں رسماں خوشی دندیاں سن پر ہن نواں زمانہ بھائی نویاں گلاں، نویاں ساہِ چٹھیاں۔

حوالے