سانچہ:چونواں مضمون/۱۹

پہلا جرمن چانسلربسمارک

اٹو ایڈورڈ لیوپولڈ فان بسمارک-شونہاؤزن (1 اپریل 1815- 30 جولائی 1898) جیہنوں اٹو فان بسمارک یا صرف بسمارک وی کہیا جاندا ہے، اک جرمن سیاستدان تے سیانا سیاسی آگو سی۔ 1871 وچ اوہنے کئی جرمن دیساں نوں رلا کے اک تکڑی جرمن سلطنت دی نیون٘ہہ رکھی اَتے اوہ 1890 تک چانسلر رہیا۔ جرمنی جیہڑا صدیاں توں نکے نکے دیساں وچ ونڈیا ہویا سی بسمارک نے اوہناں نوں کٹھیاں کر کے اک تکڑے جرمنی وچ پلٹ دتا۔
بسمارک پرشیا دا 1862–90 منسٹر پریزیڈنٹ ریا تے پر شیا نوں ایسیاں لڑائیاں وچ پایا جیہدے وچ آسٹریا تےفرانس نوں ہار تے پرشیا نوں جت ہوئی تے نکے جرمن دیساں نوں پرشیا نال رلایا۔ جرمنی نوں کٹھا کرن مگروں اوہنے یورپ وچ طاقت دی ترکڑی نوں اک پدھر تے رکھیا تے یورپ نے 1870 تے 1880 دے دھاکیاں وچ امن دے مزے لئے.
اوہنے اک نویں قوم دیس دی نیون٘ہہ رکھی تے اک لوک بھلائی سرکار دا راہ کڈھیا۔ اوہنوں بدیساں وچ کلونیاں بنانا پسند نہیں سے پر لوکاں دے کین تے ایہہ کم کیتا۔ اوہنے سارے مرداں نوں ووٹ دا حق دتا پر چنے ہوئے لوکاں کول چوکھی طاقت نہیں سی۔ بسمارک نوں لوکراج تے اعتبار نہیں سی اَتے اوہ اک تکڑی چنگی سکھائی گئی بیوروکریسی راہیں راج کردا سی جیہدی طاقت جنکر (نوابی ریاست) ہتھ اِچ سی جیہڑی چڑھدے ول دی اک زمیندارہ پدھر سی۔

بسمارک اک جنکر نواب سی جیدا دیس اگے ودھواں تے تکڑا سی۔ اوہ اک لمی دیسی تے بدیسی سوچ رکھدا سی پر نکے موٹے رپھڑاں تے وی اوہدی اکھ سی۔ اوہدے کماں نے اوہنوں جرمناں دا اک قومی ہیرو بنا دتا تے اوہدے لئی کئی تھاواں تے یادگاراں بنائیاں گئیاں۔ اوہنے یورپ وچ اک ایسی پدھر بنائی جیہدے نال امن رہیا اَتے اوہنوں جرمنی دا موڈھی وی منیا جاندا ہے۔۔