سارس

سارس
پچھان
دیس :	جنور
برادری :	کورڈیٹ
ٹولی :	پنچھی
ٹبر:	کونجاں
سائینسی ناں:	Grus antigone

سارس کونجاں دے ٹبر دا اک پنچھی اے۔ ایہ دکھنی ایشیاء، چڑھدے دکھنی ایشیاء تے اسٹریلیا دا واسی اے۔ کونجان دے ٹبر وچ ایہ کھڑا سب توں اچا اے۔

ناں

سارس پنجابی وچ سنسکرت توں بنیا اے۔ سنسکرت وج ایہنوں ساراسا کیندے نیں جیدا مطلب اے 'چھپڑ دا پنچھی'۔

وکھالہ

سرمئی پراں نال سارس اک وڈا پنچھی اے۔ ایہدے سر تے اتلی تؤن تے کھمب نہیں ہوندے تے ایس لئی لال دسدا اے۔ متھا سانولا ہوندا اے تے کناں پچھے وی سانولا نشان ہوندا اے۔ سر دے پچھے تکھے کالے پر ہوندے نیں۔ چنج لمی ہوندی اے اڈاری وچ تؤن سدھی ہوندی اے جد کے بگلے دی تؤن وچ اڈدیاں ول ہوندا اے۔ اڈدیاں ایہدے پراں دے کالے سرے وی دسدے نیں تے ایہدیاں گلابی لتاں سدھیاں پچھے ہوندیاں نیں۔ نر مادھ دے وکھالے وچ کوئی وڈا وکھراپا نہیں ہوندا، نر بس تھوڑا وڈا دسدا اے۔

نر 180 سینٹی میٹر / 5 فٹ 9 انچ تک اچا ہوندا اے جیہڑا ایہنوں دنیا دا سب توں اچا پنچھی اے۔ ایہدا جوکھ 6 توں 8 کلو تک ہوندا اے۔ ایہدا پرپسار 220 توں 250 سینٹی میٹر تک ہوندا اے۔

سارس
سر	وکھالہ	جوڑی

پسار

سارس ہندستان وچ گنگا دے دوالے توں لے کے بنگال تے اسام تک تے چڑھدے ول گجرات تک تے دکھن وچ گوداوری دریا تک ای وسدا اے۔ پنجاب وچ ایہ سیال نوں آندا اے۔ ایہدیاں کچھ نگریاں دکھنی چڑھدے ایشیاء تے اسٹریلیا تک وی نیں۔