زنک کاربن بیٹری
زنک-کاربن بیٹری یا جست-فحم برقیچہ (zinc-carbon battery) اک خشک سیل پرائمری بیٹری ہندی اے جہڑی ڈی۔سی۔ دے 1.5 وولٹ بجلی دندی اے۔ ایہہ زنک اتے مینگنیز ڈائی آکسائیڈ دی الیکٹروکیمیکل عمل توں ڈی سی پیدا کردی اے۔ کاربن دی اک راڈ مینگنیز ڈائی آکسائیڈ الیکٹروڈ توں کرنٹ لیندی اے، جس کرکے اسدا ایہہ ناں رکھیا گیا اے۔ اک خشک سیلّ عامَ طور تے زنک دے بنے اک ڈبے دا بنیا ہندا اے جہڑا کہ نیگیٹو پوٹینشل نال اینیوڈ دا کم کردا اے، جدکہ کاربن دی راڈ پوزیٹو کیتھوڈ دا کم کردی اے۔ عامَ ورتیاں جاندیاں بیٹریاں وچ الیکٹرولائیٹ دے طور تے امونیئم کلورائیڈ دا لیپ ورتیا جاندا اے، جسنوں کہ زنک کلورائیڈ دے گھول نال وی ملایا جاندا اے۔ زیادہ طاقت والیاں قسماں وچ مکھ طور تے زنک کلورائیڈ ورتیا جاندا اے۔
