رستم سہراب

رستم-سہراب چار سو سال قبل مسیح دی اک کہانی اے جیہڑی فارسی شاعر فردوسی دے 10ویں صدی چ لکھے شاہکار شاہنامہ وچوں اے۔ ایہہ ہیرو رستم اتے اس دے پتر، سہراب دی دکھی کہانی بے۔

Persian manuscript painting:Rustam laments for Suhrab

کہانی

سہراب بہادر تے سچا انسان سی۔ اوہ ایران دا واسی سی۔ جیحوں ندی توں پار دوجا راج توران سی۔ اصل وچّ ایہہ ایران تے توران دے راجیاں دی لڑائی دی کہانی اے۔ رستم شکار کھیڈدا ہویا ندی پار کر کے توران راج وچّ چلا گیا۔ رات پے گئی تے اوہ اوتھے ای سوں گیا۔ سویرے جاگیا تے اس دا گھوڑا غائب سی۔ اوہ اپنا گھوڑا لین لئی سمنگا دے گڑھ ولّ تر گیا تے اتھوں دے راجے نوں ملیا۔ راجے نے اس نوں آرام کرن لئی رہائش دے دتی تے آکھیا کہ اوہ اس دے گھوڑے دی تلاش کروا کے، اس نوں واپس دے دیویگا۔ رستم آلےدوآلے دے راجاں وچّ بہت مشہور سی۔ اس کارن ہی اس راج دے راجے دی دھی اس نوں چاہندی سی۔ راجے دی دھی تہمینہ اس نوں رات موقعے ملی تے دسیا کہ اوہ اس نوں پیار کردی اے اتے اس نال ویاہ کرواؤنا چاہندی اے۔ دوسرے دن سمنگا دے راجے کول رستم نے اس دی دھی تہمینہ نال ویاہ دی گلّ کیتی۔ راجا خشی خشی تیار ہو گیا۔ سماں پا کے تہمینہ نے اک بالک نوں جنم دتا جو وڈا ہو کے نامی پہلوان تے یودھا بنیا تے انجانے وچّ اپنے پیؤ نال بھڑیا۔ پیو پتر دی کشتی، پھیر لڑائی، پتر دی موت تے تینویں تہمینا دا سنسار چھڈّ جانا۔