دریائے مرے

دریائے مرے آسٹریلیا دا اک اہم دریا اے تے اپنے معاون دریاواں نال مل کے آسٹریلیا دا مرکزی دریائی نظام بناندا اے ۔ ایہہ کوہ وڈا سلسلہ ونڈ ( گریٹ ڈیوائڈنگ رینج) توں نکلدا اے تے 1562 کلومیٹر دا فاصلہ طے کر کے بحر ہند چ ڈگدا اے ۔ اس دریا نوں چڑھدے دکھن دے پہاڑاں دی برف توں پانی ملدا اے ۔

نیو ساؤتھ ویلز دے شہر وینٹ ورتھ چ مرے تے دریائے ڈارلنگ دا ملاپ

پی ایس مرے پرنسس دریائۓ مرے چ چلن آلا سبتوں وڈا پیدل ویلر جہاز

جغرافیہ

دریائے مرے تے اسدے معاون دریا

دریائے مرے 3،750 کلومیٹر لمبے مرے ۔ ڈارلنگ دریائی نظام دا حصہ اے جہڑا وکٹوریہ ، نیو ساؤتھ ویلز تے دکھنی کوئینزلینڈ نوں سیراب کردا اے ۔ ایہہ سارا علاقہ آسٹریلیا دے کل رقبے دا اک بٹا ست اے ۔ دریائے مرے چ اسدے سائز دے دنیا دے دوجے دریاواں نالوں نسبتا گھٹ پانی وگدا اے تے اس دے بہاؤ چ موسم دے نال بوہت زیادہ اتار چڑھا آندا اے ۔ دریائے مرے آسٹریلیا دیاں ریاستاں وکٹوریہ تے نیو ساؤتھ ویلز دی سرحد دا وڈا حصہ وی تشکیل دیندا اے ۔

دریائی جیون

دریائے مرے دے دریائے جیون دی اپنی انفرادیت اے جنہاں اس دریا پائیاں جان آلیاں خاص مچھیاں نیں ، ایہہ مرے کوڈ ، ٹراؤٹ کوڈ ،گولڈن پرچ ، سلور پرچ ، ایل ٹیلڈ وغیرہ نیں ۔