ایان میک کیلن

سر
ایان مککیلن
(انگریزی وچ: Ian McKellen)
مککیلن سن 2013 وچ سین ڈیئیگو کومک-کون انٹرنیشنل
پیدائشی نام	(انگریزی وچ: Ian Murray McKellen)
جم	25 مئی 1939 (85 سال)  برنلی، لنکاشائر، انگلینڈ
وفات
رہائش	وگن
شہریت	برطانیا انگریز
رکن	امریکی اکادمی برائے سائنس و فنون
ساتھی	برائن ٹیلر (1964–1972) سین ماتھیاس (1978–1988)
عملی زندگی
مادر علمی	سینٹ کیتھرینز کالج، کیمبرج
پیشہ	اداکار
مادری زبان	انگریزی
پیشہ ورانہ زبان	انگریزی
دور فعالیت	1959 توں ہن تک
شعبۂ عمل	وڈیو گیم صنعت
کارہائے نمایاں	دی لارڈ آف دی رنگز ،  دی ہابٹ ٹریلوجی
اعزازات
ٹونی ایوارڈ برائے کھیل کا بہترین اداکار (برائے:Amadeus ) (۱۹۸۱)  نائٹ بیچلر سوسائٹی آف لندن تھیٹر کا خصوصی ایوارڈ  سی بی ای
نامزدگیاں
آسکر اعزاز برائے بہترین معاون اداکار (۲۰۰۲)  آسکر اعزاز برائے بہترین اداکار (۱۹۹۹) ٹونی ایوارڈ برائے کھیل کا بہترین اداکار (۱۹۸۴)
ویب سائٹ
ویب سائٹ	Official website
	IMDB اُتے صفحات

سر ایان مرے مککیلن، (جم 25 مئی 1939) اک انگریزی فلمی اداکار اے۔ اسنوں چھ وار لورینس اولیویئر اوارڈ، اک ٹونی اوارڈ، اک گولڈن گلوب اوارڈ، اک بی۔آئی۔ایف۔ اوارڈ، دو سیٹرن اوارڈ، چار ڈرامہ ڈیسک اوارڈ اتے دو کرٹکس چوئس مووی اوارڈ مل چکے ہن۔ اس توں اوہ دو وار اکادمی اوارڈاں وچ، چار وار بافٹا وچ اتے پنج وار ایمی اوارڈاں لئی نامزد ہو چکا اے۔

مککیلن دا کیریئر بہت پرانے تھئیٹر توں شروع ہو کے اجکلھ دیاں مشہور فکشن اتے سائنسی فکشن تے مشتمل فلماں تک لما اے۔ بی بی سی دے مطابق فلماں وچ اسدی اداکاری دے طور تے اسنوں انگریزی سٹیج اتے فلم اداکاراں وچ اک بہت ہی اعزاز یوگ تھاں حاصل اے۔ انگلینڈ وچ ہریک مکھ فلمی اوارڈ جتن والا مککیلن بریٹیش کلچر دا اک نمونہ بن گیا اے۔ اسنے پیشہ ور طور تے اپنا کیریئر 1961 وچ بیلگریڈ تھئیٹر توں شروع کیتا۔ 1965 وچ مککیلن اپنی سبھ توں پہلی ویسٹ اینڈ کردار وچ نظر آیا۔ 1969 وچ اسنوں پروسپیکٹ تھئیٹر کمپنی وچ شامل ہون دا سدا آیا جس وچ اسنوں شیکسپیئر دے ناٹک رچرڈ دو اتے مارلوو دے ناٹک ایڈورڈ دو وچ مکھ پاتراں دیاں کرداراں نبھاؤنیاں سن۔ ایہہ رول کرن نال اسنے خود نوں دیش دے سبھ توں ودھیا کلاسیکل رول کرن والے اداکاراں وچ قائم کر لیا سی۔ اسدے کجھ رولاں لئی اسنوں دنیا بھر وچ جانیا جاندا اے جس وچ رچرڈ تن (1995) وچ اسدا راجے دا رول، گوڈس اتے مونسٹرز (1998) وچ جیمز ویل دا رول، ایکس-مین فلماں وچ میگنیٹو دا رول اتے دی لورڈ آف د رنگز اتے دی ہوبٹ فلم لڑیاں وچ گینڈالف دا رول شامل اے۔

مککیلن نوں 1979 دے جم دن سنماناں وچ آرڈر آف برٹش امپائر دا عہدہ وی دتا گیا سی اتے 1991 وچ بریٹیش سرکار ولوں 1991 وچ نائیٹ بیچلر دا خطاب وی دتا گئیا سی۔ اسنے اپنیاں سیکس متعلق بھاوناواں نوں وی 1988 توں جگّ ظاہر کیتا جس وچ اسنے اپنے-اپنے نوں گے کیہا سی اتے اوہ دنیا بھر وچ ایلجیبیٹی دیاں سماجی سرگرمیاں وچ وی حصہ لیندا اے۔

مڈھلا جیون

مککیلن دا جم 25 مئی 1939 نوں برنلی، لنکاشائر، انگلینڈ وچ ہویا سی۔ اسدے پیؤ دا نام ڈینس مرے اے جہڑا اک سول انجینیئر سی اتے اسدی ماں دا نام مارجری لوئیس اے۔ اس توں علاوہ اسدی اک وڈی بھین وی اے جہڑی کہ استوں پنج سال وڈی اے۔ دوجا عالمی لڑائی شروع ہون توں پہلاں ستمبر 1939 وچ اسدا پروار وگان جا کے رہن لگا۔ اوہ اتھے 12 سال دی عمر تک رہا اتے اس پچھوں اوہ 1951 وچ بولٹن آ کے رہن لگے۔ چھوٹی عمر وچ جنگ دے حالاتاں وچ رہن کرکے اسدے من اپر بہت ڈونگھا اثر پیا سی اتے اسنے کیہا سی کہ "جدوں امن ہو گئیا تاں مینوں اس ویلے احساس ہویا کہ جنگ کوئی عامَ گل نہیں سی۔"

نجی جیون

مککیلن دی اسدے پہلے ساتھی، برائن ٹیلر نال 1964 وچ تعلقاں دی شروعات ہوئی، جہڑا بولٹن وچ اتہاس دی استاد سی۔ اوہناں دا ایہہ تعلق اٹھ سالاں تک چلیا جہڑا کہ 1972 وچ سماپت ہویا۔ اوہ لنڈن وچ رہندے سن جتھے کہ مککیلن نے اپنے اداکاری دا کم جاری رکھیا۔ اک دہاکے توں ودھ ویلے تک نیرو سٹریٹ، لائیمہاؤس وچ رہندا رہا اے۔ 1978 وچ اوہ اپنے دوجے ساتھی سین ماتھیاس نوں ایڈسبرگ فیسٹیول وچ ملیا۔ اوہناں دے تعلق 1988 تک جاری راے۔

مککیلن اک دہریہ اے۔ 1980 دے اخیر توں اوہ مچھی توں بنھاں ہور کوئی ماس نہیں کھاندا۔ 2001 وچ ایان مککیلن نوں فرانس دا آرٹسٹ سٹیزن آف دا ورلڈ دا انعام وی دتا گیا۔ سن 2006 وچ اسدا پروسٹیٹ کینسر دا علاج شروع ہویا اتے ہن وی اوہ اسدا لگاتار علاج کروا رہا اے۔

باہرلے لنک

• The papers of Sir Ian McKellen, actor are held by the Victoria and Albert Museum Theatre and Performance Department.
• سانچہ:IBDB name
• ایان میک کیلن at the Internet Movie Database
• سانچہ:Mojo name
• سانچہ:Screenonline name
• Biography of Sir Ian McKellen, CH, CBE، Debrett's

حوالے