"<span lang="ur">ڈاکٹر شہباز ملک</span>[[ گٹھ:مضامین جنہاں وچ اردو بولی دا متن شامل اے ]]" دیاں دہرائیاں وچ وکھراپا

ڈاکٹر شہباز ملک 3 اپریل 1937 نوں لہور چ جمے۔ 1972 وچ ایم اے پنجابی کیتا۔ او پہلے پاکستانی سن جنھاں نیں [[پنجابی]] چ پی ایچ ڈی کیتی۔ اے 1982 دی گل اے۔ 1968 توں 1976 تک ریڈيو [[پاکستان]] لہور تے پنجابی پروگرام پیش کردے رۓ۔ [[پنجاب یونیورسٹی]] چ 11 نومبر 1975 نوں پنجابی دے لیکچرر لگے تے ہن اوہ پروفیسر ایمیرٹس نیں۔

 

ننگلیاں [[تصیل پسرور]] [[ضلع سیالکوٹ]] پنجاب توں شہباز ملک دے پیو دادے دا جوڑ سی۔ اوہ ککے زئی پٹھان سن۔ جیہڑے لہور آۓ تے ایتھے سلطان پورہ لہور چ ملک محمد دین دے کعر 3 اپریل 1937 نوں شہباز ملک جمے۔ اوناں دی ماں دا نآں رمضان بی بی سی۔ 1942 چ ایم سی پرائمری سکول کوچہ محمدی لہور چ پہلی جماعت چ پڑھن پۓ تے ایتھے اوناں دے استد محمد رمضان سی۔1946 چ چوتھی پاس کرن مگروں اقبال ہائی سکول گڑھی شاہو لہور وچ داخلہ لیا۔ 1954 چ چ میٹرک پاس کیتا۔ سکول چ او بزم ارب دے پروگرام چ اپنا ونڈ پاندے سن۔ اپنے اباجی دے یار بیلیاں نوں اوناں دی ٹال تے اخبار پڑھ کے سنادے سن۔ 1950 چ ہوائی حملے توں بچا تے 1955 چ فرسٹ ایڈ دی سکھلائی کیتی۔ 1956 چ اردو تے پنجابی چ لکھن دا مڈ رکھیا۔ اردو افسانے چودھویں ھدی چ تے پنجابی لکھتاں معینہ وار پنجای چ لکھے۔ پہلا افسانہ "پیار دا پھٹ" معینہ وار پنجابی چ اگست ستمبر 1958 دے ميگزین چ چھپیا۔ ڈرامہ تویت ایسے میگزین ایسے ورے چھپی۔ 1959 چ پہلا تنقیدی آرٹیکل پنجابی اخان دے ناں پنجابی لہور دے مارچ/اپریل دے شمارے چ چھپیا۔۔ 1959 چ پنجابی فاضل دا امتحان پنجاب یونیورسٹی توں پاس کیتا۔ 1960 چ اپنا ادبی ناں شہباز ملک رکھ لیا۔ پنجند پنجابی کالج دے ناں نال پنجابی ادیب عالم فاضل پڑھان دا ادارہ بنایا تے ایتھے دو ورے تک پڑھایا۔ 1961 توں ریڈیو پاکستان لہور توں پروگرام کیتے تے 13 اپریل 1961 نوں پہلا پنجابی افسانہ پڑھیا۔ پنجابی پرھیا دے ناں نال پنحابی بولی تے ساہت لئی اک سنگت بنائی۔ معینہ وار پنجابی ادب لہور چ نائب مدیر کم کیتا تے ریڈوی پاکستان لہور تے جمہور دی آواز دے ناں نال کالم وی لکھے۔۔ پدھرے راہ دے ناں نال پہلی کتاب فاضل پنجابی دے دے حوالے نال علمی تے ادبی کتاب لکھی۔ 1962 چ اجو دی کہانی دے ناں نال محمد آصف خا تے خالد لاہوری نال ل کے پنجابی افسانیاں دی پاکستان چ پہلی چون چھپی۔ ایسے ورے چانن دے ناں تے کھوج پرکھ تے پہلی کتاب چھاپی تے سوکھے پینڈے وی ایسے ورے چھپی۔ ایسے ورے سوکھے پینڈے چھپی۔ 1964 چ مڈلے لوک راج دیاں جوناں چ آۓ پر جت ناں سکے۔ 25 اپریل 1965 نوں عصمت شاہین نال اوناں د ویاہ ہویا۔ 1965 چ ای کنہیا لال کپور دی گورمکھی کتاب تل پھل نوں فراسی لپی چ التھیا۔ 1966 چ انٹر دا نتارا ہویا تے ریڈیو پاکستان دے وائی بیجی دے پروگرام چ کم کرن لگے 1967 چ اوناں دی کتاب سو سیانے اک مت چھپی۔ 1968 چ بی اے کیتا تے اوناں دی کتاب سو سیانے اکو مت نوں پاکستان رائٹر گلڈ نے انعام دتا۔ 1968 چ ای اوناں دے دو گیتاں نوں پہلا تے درجا انعام لبیا۔ 1970 چ اوناں نیں زندگی میگزین چ کالم لکھے۔ 1971 چ ایم اے پہلے سال دے نتارے چ پہلے نمبر تے آن تے علامہ علاؤالدین صدیقی میرٹ سکالرشپ لبیا۔ 1972 چ ایم اے پنجابی پہلے درجے چ تے یونیورسٹی ولوں دوجی پوزیشن تے تے تے مرداں چوں پہلے نمبر تے پاس کیتی۔

 

1972 73 چ معینہ وار لہراں دے مدیر پاروں کم کیتا۔ 1973 چ کھوج پرکھ تے کتاب پکی روٹی چھاپی۔ 1976 چ پنجاب یونیورسٹی چ تھوڑے ویلے لئی استاد لگے۔ 1 مارچ 1977 نوں شعبہ پنجابی پنجاب یونیورسٹی دے دو ورے لئی چیرمین بناۓ گۓ۔ 1977 چ کتاب پنجابی لسانیات چھپی 1978 چ شعبہ پنجابی دا میگزین [[کھوج]] ٹوریا۔ 1979 چ کتاب نتارے چھپی تے ایسے ورے ہندستان پھرن لئی گۓ تے اوتھے [[امرتا پریتم]] نال اوناں دی گل بات ہوئی جیہڑی ناگ منی چ چھپی۔ ایسے ورے ای اون [[اکادمی ادبیات پاکستان]] دے سنگی بنے۔ 1980 چ اوناں بی اے پنجابی آپشنل دی نصابی کتاب ادبی مہکاں تے چونواں پنجابی ادب ہور سنگیاں نال رل کے بنائی۔ 1983 چ [[اکادمی ادبیات پاکستان]] ولوں بلائی گئی چوتھی اہل قلم کانفرنس وچ شرکت کیتی۔ پنجابی ادبی تاریخ دے نوين ورقے دے سرنانویں نال پنجابی دے اوہناں لکھاریاں بارے دسیا جناں دا تریخ چ نیں لبدا تے اے اوناں کالماں دی مورت چ امروز اخبار چ ٹوریا ایدے تے 27 آرٹیکل لکھے گۓ۔

 

1 فروری 1982 نوں [[مولوی احمد یار]] دے فکر و فن تے کھوجی آرٹیکل لکھن تے اونوں پاکستان چ پنجابی چ پہلی پی ایچ ڈی دی ڈگری دتی گئی۔ ایسے ورے پنجابی یونیورسٹی پٹیالہ دے پنجابی پرویشکا ([[گرمکھی]]) دے امتحان چ پہلی پوزیشن نال پاس کرن تے یونیورسٹی ٹکا لیا۔ 24مئی 1983 توں اخبار [[نواۓ وقت]] دے ادبی صفے تے منہ آئی گل دے ناں نال 9 پنجابی کالم لکھے۔ پنجاب یونیورسٹی دے ہوسٹل سپریڈنٹ لگے۔ 1985 چ نیو کیمپس لہور چلے گۓ۔ 1985 چ ای کتاب گویڑ چھاپی۔

 

1991 چ [[اکادمی ادبیات پاکستان]] [[اسلام آباد]] نے اوناں دی کتاب [[پنجابی کتابیات]] چھاپی۔ 1992 چ عبداجبار اثر نے جس ڈاکٹر شہباز ملک دے ناں نال ڈاکٹر شہباز ملک دے کماں تے نظماں تے لکھتاں چھاپیاں۔ اے پہلا پراگا سی مگروں ہور وی لکھے گۓ۔ پنجاب سرکار نے نے 1994 چ [[پنجابی کتابیات]] لکھن تے شاہ عبدالطیف ایوارڈ جیدے پیسے تے شیلڈ سی انعام چ دتے۔ 23 مارچ 2003 نوں پاکستانی سرکار ولوں [[پنجابی]] بولی لئی کماں باجوں شہباز ملک نوں [[سوہنے کم دا ٹکا]] دتا گیا۔ 24 اکتوبر 2004 نوں اوناں دی ٹبری عصمت شاہین چوکھا ویلہ روگی رہن تے گردے کم ناں کرن باجوں ایس دنیا چ ناں رئی۔ 2007 نوں حج تے گۓ۔

مختلف اداریاں ولوں پنجابی ادب دی خدمت لئی بیس ایواڑ۔<br />

پاکستان دا اعلی درجے دا سول ایوارڑ: صدارتی اعزاز براۓ حسن کارکردگی (پرائیڈ آف پرفامنس) 2003۔

==ٹبر==

ڈاکٹر شہباز ملک دے چار پتر تے اک تعی اے۔ اوناں دی زال ہن نیں ر‎ی۔

 

* [[سوہنے کم دا ٹکا]] لین والیاں دا لسٹ