"<span lang="ur">ابراہام لنکن</span>[[ گٹھ:مضامین جنہاں وچ اردو بولی دا متن شامل اے ]]" دیاں دہرائیاں وچ وکھراپا

ابراہم لنکن امریکہ دے لیندے ولگن تے اک ماڑے گھر وچ جمیا۔ آپوں پڑھدیاں ہویاں وکیل بنیا تے امریکی وگ پارٹی نال رلیا۔ 1830 دے دھاکے وچ اوہ الینواۓ صوبے دی اسمبلی وچ بیٹھیا۔ 1840 دے دھاکے وچ اوہ اک واری لئی امریکی کانگرس دا وی سنگی ریا۔ اوہنے ایکانومی نوں ودھان لغی بینکاں، نہراں، ریلاں تے فیکٹریاں بنان تے گلاں کیتیاں۔ 1846 دی میکسیکو لڑائی دے اوہ حق وچ نہیں سی۔ 1858 وچ غلامی دے رپھڑ وخ اوہ سینٹ دیاں چوناں وچ اوہ اپنے وڈے ویری سٹیفن اے ڈگلس ہتھوں ہار گیا۔ 1860 وچ اوہنوں ریپبلکن پارٹی صدر دیاں چوناں لئی اپنے لئی آگے کردی اے تے 1860ء دیاں چوناں وچ اتلے امریکی صوبے اوہدے نال سن پر دکھنی غلام صوبے اوہدے توں اڈ سن۔ اوہ فیر وی چوناں جت گیا۔ اوہدی جت تے ست دکھنی غلام صوبے غلامی دے رپھڑ تے امریکہ توں وکھ ہوگۓ تے اوہناں اپنی سرکار بنالئی۔ لنکن نے اوہناں دے امریکہ توں وکھ ہون نوں نہ منیا۔ دکھنی صوبیاں نے 12 اپریل 1861 نوں فورٹ سمٹر دے قلعے تے ہلہ بول کے امریکی کعر دی لڑائی دا ہوکا دتا۔ لنکن ہر مل تے امریکہ نوں اک رکھنا چاہندا سی. اوہنے امریکی قنون وج 13ویں تبدیلی کرائی تے غلامی دے مکن دا ہوکا دتا۔ لنکن نے دکھن نال لڑائی نوں بڑی سیانف نال چلایا۔ اوہنے فوجی آگو آپ چنے۔ امریکی فوجاں دا آگو [[اولیسس ایس گرانٹ]] وی اوہنے آپ چنیا۔ لنکن دے سمندری فوج نے دکھنی سرکار دے سمندر کنڈیاں دے دوالے کھیراگھیرا پایا تے ایہدی فوجی کشتیاں نے دریاواں تے مل ماریا۔ اوہدے جرنیلاں دکھن دے راجگڑھ رچمنڈ تے مل مارن لئی ٹل لاچھڈی پر جت گرانٹ نوں ای ہوئی۔ لنکن اک سیانا سیاسی آگو سی۔ لڑائی جتن مگرون اوہنے دکھن نال چنگا ورتاوا رکھیا تے ویری سیاسی آگواں نوں اپس وج لڑایا۔ اوہدی 1863 دی گیٹسبرگ دی تقریر امریکی ازادی، لوکراج، مڈھلے حقاں دی وڈی نشانی اے۔

ابراہم لنکن 12 [[فروری]] 1809ء نوں تھامس لنکن تے نینسی ہاکس دے کعر امریکی صوبے [[کینٹکی]] دی [[ہارڈن کاؤنٹی]] وچ اک [[لکڑ]] دے کوٹھے چ جمیا۔ اوہدے پرکھ نارفوک انگلینڈ توں 17ویں صدی وج امریکہ آۓ سن۔ اوہدا دادا جیدا ناں وی ابراہم سی اپنے ٹبر نوں ورجینیا توں ے کے کینٹکی آیا سی پر اوہنوں امریکی انڈین نے اوہنوں 1786 وج اک لڑائی وج ماردتا تے تھامس نوں ایس ولگنی تھاں تے اپنے آپ تے رہنا پیا۔ اودا پیو تھامس، [[امریکہ|امریکی]] [[صوبہ|صوبے]] [[کینٹکی]] دا انپڑھ زمیندار سی۔ تھامس غریب سی پر اودی عزت کیتی جاندی سی۔ اوہ سیپاریٹ بیپٹسٹ چرچ دا سنگی سی۔ ایس فرقے دے اخلاقی اصول بڑے ود سن۔ اوہ [[شراب]]، شلامیغلامی تے ناچنچن دے خلاف سن۔ 1816 چ اس ٹبر نوں امریکی صوبے [[انڈیانا]] جانا پیا۔ لنکن نو [[ورہ|وریاں]] دا سی جدوں اودی 34 وریاں دی [[ماں]] ملک سکنس توں مر جاندی اے۔ پر اودا پیو ہور ویاہ کرلیندا اے۔ نویں ماں سارہ بش جونسٹن لنکن دا خیال رکھدی اے۔ لنکن ڈیڑھ ورے ای [[سکول]] جاسکیا۔ زیادہ پڑھائی اونے آپ ای کیتی۔ اوہ چھ [[فٹ]] چار [[انچ]] لما سی۔ جیون گزارن لئی اونے کئی کم کیتے ان گنت کمان چو نکام وی ہویا۔ اک واری اونے کسے سنگی نال رل کے کریانے دی دکان پائی۔ اے دکان قرضے دیاں پیسیاں نال بنی سی۔ پر اودا سنگی دکان ویچ کے کتے غیب ہوگیا۔ لنکن نوں اوہ قرضے دے سارے پیسے پلیوں دینے پۓ۔ اونوں تقریراں کرن سکھن تے کرن دا بعوت شوق سی۔ اودے کول اک دردمند دل سی اوہ آپ وی غریب سی ایس لئی اونے اپنی تقریریاں چ لوکاں دیاں مسلیاں نوں اگے رکھیا۔ اینج اوہ لوکاں چ مشہور وی ہوگیا۔ اودے مخالف اکسر امیر ہوندے سن پر اونوں عام لوکاں دی بولی چ گل کرن دا ول اندا سی۔ 1846 چ [[اک]] واری اوہ [[امریکہ|امریکی]] قنون بنان والی [[کانگرس]] دا سنگی بن گیا۔