1914 چ پیلی وڈی لڑائی چ سلطنت عثمانیہ جرمنی دا سنگی سی۔ برطانیہ آسٹریلیا نیوزی لینڈ تے فرانس دیاں فوجاں نے استمبول تے مل مارن لئی گیلی پولی تے ہلہ بول دتا۔ مصطفی ترک فوجاں دا کمانڈر سی۔ لڑائی 15 اپریل 1915 نوں ٹری تے 6 جنوری 1916 نوں ترکی دی جت تے مک گئی۔ایتھوں اونون ادرنہ تے فیر کوہ قاف چ روسی فوجاں نال لڑن لئی ٹوریا اوتھے مصطفی نے روسی فوجاں نون دوک دتا تے گئی نگر واپس لے لۓ۔ فیر اوہ دکھن ول گیا تے واپس آندیاں ترک فوجاں نون کٹھیاں کر کے اناطولیہ نوں بچاندا سوچیا۔ 13 نومبر 1918 نوں اوہ استمبول آگیا جیڑا ہن ویریاں دی ہتھے چڑھ چکیا سی۔
