جیمز پیس

  کینتھ جیمز پیس ( انگریزی زبان اچ: Kenneth James Peace )۔ ٢٨ ستمبر ١٩٦٣ نو پیسلے وچ پیدا ہوئے۔ تسی اسکاٹ لینڈ تو تعلق رکھنے آلے اک موسیقار، کانسرٹ اچ پیانو وجانے آلے تے وژوئل آرٹسٹ ہو۔

جيمز پيس ویزبادن اچ اپنے گھر تے

سوانح حیات

جیمز پیس ٢٨ ستمبر ١٩٦٣ نو اسکاٹ لینڈ دے شہر پیسلے اچ پیدا ہوئے۔ انہاں دے بچپن تےجوانی دا بہتا حصہ مغربی اسکاٹ لینڈ دے ساحلی علاقے اچ واقع اک سپا ٹاؤن ہیلنسبرگ اچ گزرا۔ انہاں دے خاندان دے کئی افراد آرٹسٹ نے (مثلاً، جان میک گھی) تے وہوی صدی دے پہلے نصف اچ رقص دی موسیقی دے معروف موسیقار فیلکس برنز وی انہاں دے رشتہ دار سی۔ انہاں نے آٹھ برس دی عمر تو پیانو دی تعلیم حاصل کرنا شروع کیتی تے چودہ برس دی عمر اچ انہاں نے پہلی وار اسکاٹ جوپلن دی تیار کردہ موسیقی پیش کردے ہوئے اپنی پہلی عوامی کارکردگی وکھائی۔ سولہ برس دی عمر اچ انہاں نو رائل سکاٹش اکیڈمی آف میوزک اینڈ ڈرامہ ( جس نو ہن رائل کنزرویٹوائر آف اسکاٹ لینڈ کہا جاندا اے) اچ داخل کروایا گیا تے او ہن تک دے سب تو کم عمر کل وقتی طالب علم نے۔  ١٩٨٣ اچ انہاں نے گلاسگو یونیورسٹی تو پیانو پرفارمنس تے پیانو ٹیچنگ اچ بیچلر آف آرٹس (بی اے) دی ڈگری حاصل کیتی۔ اک سال بعد آر۔ایس۔اے۔ایم۔ڈی آرکسٹرا دے نال مل کر مینڈل سونز پیانو کانسرٹو نمبر ١ اچ پیانو وجا کر موسیقی دے فن دا مظاہرہ کرنے اچ ڈپلومہ حاصل کیتا تے باضابطہ تعلیم مکمل کرنے دے بعد پیانو وجانے آلے دے طور تے انہاں دی بہت زیادہ مانگ سی تے او ١٩٨٨تو ١٩٩١ تک ایڈنبرا اچ رہائش پذیر رہے۔

جیمز پیس ١٩٩١ تو ٢٠٠٩ تک جرمنی دے شہر باد نو ہایم اچ مقیم رہے۔ ١٩٩٨ تو انہاں نے ٹینگو رقص دا مطالعہ کیتا تے ٹینگو رقص تو متاثر ہو کے انہاں نے پیانو دی اپنی ذاتی کمپوزیشنز نال ٹینگو ایسکوسیس (اسکاٹ لینڈ دا ٹینگو ناچ) دی اک سی ڈی تیار کیتی۔ ٢٠٠٢ وچ او وکٹوریہ کالج آف میوزک دے اعزازی رکن بنے۔ اسی سال او ستمبر/اکتوبر اچ شمالی جرمنی وچ تے نومبر اچ مشرق بعید وچ سولو کانسرٹ ٹور تے روانہ ہوئے تے ہانگ کانگ اچ اپنی پہلی ٹینگو XVII  دے فن دا مظاہرہ کیتا۔

James Peace - Idylls Op.4b

اس دے بعد دے سالاں اچ او اپنے فن دا زیادہ تر مظاہرہ یورپ اچ ہی کردے رہے۔ او مندرجہ ذیل دارالخلافہ شہراں اچ اپنی ذاتی ٹینگوز دی موسیقی دے فن دا مظاہرہ کر چکے نے: ایمسٹرڈيم، ایتھنز، برلن، برسلز، ہیلسنکی، لزبن، لندن، میڈرڈ، اوسلو، ریکےوک تے ویانا۔

ٹینگو رقص واسطے انہاں دی خدمات نو خراجِ تحسین پیش کرنے لئے ٢٠٠٨ اچ انہاں نو لندن کالج آف میوزک دا اعزازی رکن بنایا گیا۔

ایڈنبرا اچ مختصر قیام دے بعد او فروری ٢٠١٠ اچ جرمنی دے شہر ویزبادن اچ رہنے واسطے واپس چلے گئے۔ جتھے انہاں دی تخلیقی صلاحیتاں نو نئی تحریک ملی تے انہاں نے اپنی کمپوزیشنز دی چند مختصر فلماں تیار کیتیاں۔ ''جیمز پیس ویزبادن اچ اپنے گھر تے'' وی اسی طرح دی اک دستاویزی فلم اے۔

Tango Milonga op. 26

(Tango XVIII by James Peace (James Peace, piano

انعامات تے ایوارڈز

• پہال انعام، ڈنبارٹن شائر ای۔آئی۔ایس کامپیٹیشن، گلاسگو ١٩٨٤

• سبیلئس ایسے پرائز، گلاسگو ١٩٨٥

• اعزازی ڈپلومہ، ٹی۔آئی۔ایم انٹرنیشنل کمپوزیشن کامپیٹیشن، روم ٢٠٠٠

• اعزازی ڈپلومہ، آئی۔بی۔ایل۔اے فاؤنڈیشن، نیویارک ٢٠٠٢

• یادگاری تمغہ، انٹرنیشنل پیانو ڈوئو ایسوسیئشن، ٹوکیو ٢٠٠٢

• طالئی تمغہ، انٹرنیشنل اکیڈمی آف ''لوٹیس''، پیرس ٢٠٠٥

اہم کمپوزیشنز

• آبشار

• آئیڈل

• صبح دا شبانہ نغمہ

• خاموش آنسو

• بھولے بسرے برگ

• اوبوسوناٹا

• بالیڈ

•  ١ نمبر مارچ تقریباتی

•  ٢ نمبر مارچ تقریباتی

• خزاں دا طال

• جاوداں نغمہ

• ''جارجیا واسطے''(جارجیائی: زبانსაქართველოსთვის)

  (گیت: تمر چیک ویدزے، زوراب چیک ویدزے اور جیمز پیس)

• سولو پیانو واسنے ٢٤ ٹینگو ناچ

ویب لنکس

Souvenir de Buenos Aires  (سولو پیانو واسطے) - youtube

youtube - Autumn Gold

youtube - Lento Lacrimoso