جھیل کیوو
جھیل کیوو تریڑ افریقہ چ اک جھیل اے۔
جھیل کیوو (انگریزی: Lake Kivu) افریقہ دیاں عظیم جھیلاں وچوں اک اے۔ ایہ عوامی جمہوریہ کانگو تے روانڈا دی سرحد اُتے عظیم وادی شق دے مغربی حصے وچ واقع اے۔ جھیل کیوو دریائے روزیزی وچ خالی ہُندی اے جو جنوب دی جانب جھیل ٹانگانیکا وچ ڈگدا اے۔ 1994ء دے روانڈا قتل عام دے دوران لکھاں مقتولین دیاں لاشاں اس جھیل وچ بہائی گئیاں، جس دی وجہ توں اسنوں عالمی شہرت ملی۔
جھیل 2700 مربع کلومیٹر دے سطحی رقبے اُتے پھیلی ہوئی اے تے سطح سمندر توں 1460 میٹر دی بلندی اُتے واقع اے۔ جھیل دی زیادہ توں زیادہ لمبائی 89 کلومیٹر تے چوڑائی 48 کلومیٹر اے۔ اوسط گہرائی 240 میٹر تے زیادہ توں زیادہ گہرائی 480 میٹر اے۔ جھیل اک وادی شق اُتے واقع اے جو متحرک اے جس دی وجہ توں علاقے وچ آتش فشانی سرگرمی ہُندی اے۔ جھیل دے گرد پہاڑاں دا خوبصورت سلسلہ اے جو اسنوں زبردست نظارہ دیندا اے۔
اس جھیل اُتے پہنچنے والے پہلے یورپی باشندے جرمنی دے کاؤنٹ ایڈولف وان گوٹزن سن، جو 1894ء وچ ایتھے آئے سن۔
حال ای وچ جھیل کیوو وچ 300 میٹر دی گہرائی اُتے 55 ارب مکب میٹر میتھین گیس دریافت ہوئی اے۔ روانڈا دی حکومت نے اک بین الاقوامی ادارے توں اس گیس نوں کڈن دے لئی 80 ملین ڈالر دا معاہدہ کیتا اے۔ ایہ منصوبہ روانڈا وچ بجلی دی پیداوار نوں 20 گنا تک ودھیا سکدا اے تے ملک نوں اپنے پڑوسی افریقی ملکاں نوں بجلی فروخت کرنے دی سہولت دے گا۔
متعلقہ مضامین سودھو
| وکیمیڈیا کامنز چ مورتاں: جھیل کیوو |