جوہانز گٹنبرگ

جوہانز گٹنبرگ
جمن تھاں	{{{جمن تھاں}}}
جمن نی تاریخ	{{{جمن نی تاریخ}}}
دیس	جرمنی
ناگرکتا	{{{ناگرکتا}}}
کم	لکھاری، ایجادی تے پرنٹر
سال سرگرم	{{{سال سرگرم}}}
گن	چاپھا خانے دی ایجاد

جوہانز گٹنبرگ(1398-1498) اک جرمن سنیارا، لوہار تے کتاباں چھاپنوالا سی جینے پرنٹنگ پریس بنایا۔ اوہدے پرنٹنگ پریس نے کتاباں چھاپنا اسان تے سستا بنادتا تے اینج رینیساں، ریفارمیشن، چانن ویلہ تے سائینسی انقلاب لئی رستہ بنایا۔ جانکاری نوں ایس نے عام لوکاں دی پونچ تک لے آندا تے اجکل دے ویلے دی نیو رکھی۔

اوہ اک جرمن سنارا سی۔ اونے اک بائبل چھاپی جیدا ناں گٹنبرگ بائبل رکھیا گیا۔ اس بائبل نوں اودھی کوالٹی دی وجہ توں کافی مشہوری لبی۔ اونے ہور وی کئی کم کیتے جیناں چ تیل نال بنی انک دا ورتیا جانا، بوت وڈی تعداد چ کم کرن آلی چھاپا خانے دا بنانا تے لکڑی دے بنے ہوۓ دبان آلے بورڈ دا ورتنا۔

جیون

جوہانز گٹنبرگ جرمن نکر مائنز چ اک پیسے ٹکے والے بپاری فلیز گنوفلیش تے اودی دوجی ٹبری ایرزی وائرچ دے کعر 1398 نوں جمیا اوہ اوناں دا سب توں نکا پتر سی۔ اودا پیو مائنز دے بشپ دا سنیارا سی۔ اودے ٹبر بارے ایوی کیا جاندا اے اے جے کپڑے دا بپار وی کردا سی۔ 1411 چ ایس ٹبر نوں شٹراسبرگ انا پیا۔ اوہ ارفرٹ یونیورسٹی چ وی پڑھدا ریا۔ 1444 تک اوہ شٹراسبرگ ریا۔

چھاپہ خانہ

شٹراسبرگ چ گٹنبرگ نے چھاپے خانے دے کم دے رازاں نوں جانیا تے ایدا گرو بنیا۔ 1448 چ اوہ واپس مائنز آیا تے اپنے اک رشتے دار کولوں قرضہ لے کے چھاپے انے دی نیو رکھی 1450 چ اودا چھاپہ خانہ کم کر ریا سے تے ایدے تے اک جرمن نظم چھپی۔ 1452 چ ہونے ہور کماں نال بائیبل نوں چھاپن دا وی مڈ رکھیا گیا۔ 1455 چ گٹنبرگ نے 42 لیناں والی بائیبل چھابی جینوں گٹنبرگ بائیبل وی کیا جاندا اے۔

عدالت چ

1455 چ اوناں قرضہ دین والا عدالت اپڑ گیا تے اے الزام لایا جے گٹنبرگ قرضے دے پیس کھا گیا اے۔ عدالت نے ‍قرضہ دین والے دے حق چ فیصلہ دتا۔ عدالت نے چھاپہ خانہ تے چھپیاں ہویاں باغیبل دیاں ادیاں کاپیاں فرض دین والے نون دتیاں۔ گٹنبرگ رل گیا سی پر اونے بیمبرگ چ اک چھاپہ چانہ بنایا۔ اونے اپنیاں چھپیاں کتاباں تے کدے اپنا نان نیں سی لکھیا ایس لئی اودے پورے کم دا پتہ نیں لگایا جاسکدا۔

انت

1462 دے دو بشپاں وشکار اک چگڑے چ نساؤ دے بشپ نے مائنز نوں تباہ کردتا۔ گٹنبرگ نون دیس نکالا دتا گیا۔ اوہ ہن اک بڈا بندا سی اوہ ایلٹول اندا اے تے ایتھے اک چھاپہ خانہ لاندا اے۔ جنوری 1465 چ اودے کماں نوں من لیا جاندا اے تے اونون ہوف مین دا خطاب فان نساؤ ولوں دتا جاندا اے۔ ایدے نال اونوں وظیفہ کپڑے 2180 لٹر دانے تے 2000 لٹر شراپ ٹیکس فری دتے جاندے نیں۔ گٹنبرگ 1468 ج مرجاندا اے تے اونوں مائنز دے فرانسسکن گرجے چ دبیا جاندا اے۔ اوہ گرجا تے قبرستان تباہ کردتے جاندے نیں تے گٹنبرگ دی قبر وی گم جاندی اے۔

1504 چ اک کتاب چ اودا ناں چھاپے خانے دے پہلی واری لئی بنان والے لئی اندا اے۔ 1567 چ پہلی واری ہائینرش پینٹیلون دی کتاب وڈے جرمن چ اودی اک فرضی مورت بنائی جاندی اے۔

وراست

پیسے ٹکے نال گٹنبرگ اپنے جیون چ کنگال سی پر کم تے کتاباں چھاپن دے ول جیہڑے اونے دسے اوناں نیں یوپ چ علم دی اک انیری جلادتی تے کتاباں چار چفیرے اپڑ گیاں تے اینج یورپ ج رینیساں دی نیو پئی۔ ایدے نال شائینسی کتاباں وی اسانی نال جھپیاں تے اینج اے سائینسی انقلاب نون وی اگے لے اندا اے۔