جمور
جمور یا زنبور (انگریزی: Pincer)، ہتھ آݪا اک سَند اے جو بہت سارے کمّاں وچ ورتیا جاندا اے جِتھے کِسے چیز نوں چُٹکی پعھرن، کٹݨ یا کِھچݨ لئی میکانکی فائدہ درکار ہُندا اے۔ جمور بہترین لیور ہُندے نیں، پَر پلاس توں اس لحاظ ناݪ مختلف ہُندے نیں کہ طاقت دا اِرتکاز یا تاں اک نُقطے اُتے ہُندا اے یا سَند دی لمبائی دے اک کنارے اُتے سِدھا کھڑا ہُندا اے، ایہ جمور نوں سطح دے قریب لیاؤݨ دی اجازت دیندا اے، جَد اکثر میخاں دے ناݪ کم کردے وقت ضروری ہُندا اے۔
جمور بنیادی طور تے کِسے ایہجے مواد توں اشیاء (عام طور تے میخاں) نوں ہٹاؤݨ لئی استعمال کیتے جاندے نیں جیہدے اُتے اوہ پہلے لائیاں گئیاں سی۔ ترکھاݨ دے جمور خاص طور تے اوہدے کمّاں لئی موزوں نیں۔
جیہڑے جموراں دے مونھ اگوں تِکّھے ہُندے نیں اوہناں نوں اینڈّ نِپر یا اینڈّ کٹر کہیا جاندا اے۔
اکثر لال، گرم جمور قدیم رومن زمانے توں یا اس توں وی پہلے اذیت دے اک ہتھیار دے طور تے اِستعمال ہُندے رہے نیں۔
پلاس اک ایہجا ای سَند اے جیہدے وچ مونھ دی اک مُختلف قِسم اے جو کٹݨ تے کِھچݨ دی بجائے یا کُعھٹݨ وٹݨ لئی استعمال ہُندا اے۔