جل تھلیے
| جل تھلیے | |
| |
| دیس: | جانور |
| برادری: | کورڈیٹ |
| اتلی ٹولی: | چارپیرے |
| ٹولی: | جل تھلیے |
| پتی: | 27 |
| ٹبر : | - |
| ونڈاں: | 7,000 |
جل تھلیے یا کچھ مچھ (انگریزی: Amphibian) اوہناں جانداروں نوں کہیا جاندا اے جیہڑے خُشکی اور تری دوناں وچ رہندے نیں۔ ایہ جاندار کنگریڑے نیں۔ عام طور تے تازہ پاݨی وچ آنڈے دیندے نیں تے سورج دی گرمی نال بچے نکلدے نیں۔ ماہرین ایہناں نوں مچھلیاں تے حشرات الارض دے درمیان دے جاندار تصور کردے نیں۔ ایہناں وچ ڈڈو وی شامل نیں۔
بنن ویلا
سودھودو پاسی جندڑیاں پہلی واری ڈیونین ویلے وچ 37 کروڑ ورے پہلے سارکوپٹیریگی مچھی توں بنیاں۔کومورو سیلکانتھ تے پھپھرا مچھی ایہدے پرکھاں وچوں نیں۔ ایہناں دے پراں نال انگلاں سن جنہاں نال ایہ سمندر دی پدھر ہے ٹر سکدیاں سن۔ کجھ مچھیاں نیں ڈیونی ویلے دے کھڑے تلاواں وچ تھوڑی آکسیجن ہون باہجوں پرانے ول دے پھپھرے بناۓ۔ ایہ اپنے تکڑے پراں نال پانی جوں باہر آسکدے سن تے پانی توں سکی تھاں تے اگر حالات بندے ہون تے۔ویلے نال اوہناں ہڈیوالے پر انگ بندے گۓ تے ایہ چار پیریاں دے تے اجکل دے پنچھیاں کرلیاں ددپلانیاں تے دوپاسی جندڑیاں دے پرکھ بن گۓ۔ایہ سکی تھاں تے کسیٹ کے وی جوکھا ویلہ پانی دے اندر ای لنگھاندے سن۔ اوہ گلپھڑے نال ساغ لیندے سن پر اوہناں دے پھپھرے وی بن رۓ سن۔