تھال (کھیل)

تھاݪ پنجابی کُڑیاں دی ہرمن پیاری لوک کھیڈ اے۔ تھاݪ کھیڈ، لیراں تے تعھاگیاں ناݪ بݨے کِھدو یا کھیہنوں ناݪ کھیڈی جاندی اے۔ ایہ کھیڈ کئی کُڑیاں رَݪ کے کھیڈدیاں نیں۔ اس کھیڈ وچ اک کُڑی اک ہَتھ ناݪ کِھدو نوں ہوا وچ اچھاݪدی اے تے فیر سجے ہَتھ دی تݪی تے بوچ کے ایہنوں کہرے تال ناݪ اپݨی تݪی تے وار وار بڑھکاؤندی ہوئی ناݪو ناݪ اسے تال نال تھاݪ دے بول بولدی اے۔ جدوں اک تھاݪ مکّ جاندا اے تاں دوسرا تھاݪ شروع ہو جاندا اے۔ جِتھے وی کِھدو ڈگھ پوے اوتھے ای کھیڈݨ واݪی کُڑی دی ہار ہو جاندی اے تے اگلیاں کُڑیاں تھاݪ پاؤݨے شروع کر دندیا نیں۔ جس کُڑی نے سَبھ توں ودھ تھاݪ پائے ہوݨ اوہنوں جِتو منیا جاندا اے۔