توݪا

توݪا (Tola)، وزن تولݨ دی اک چھوٹی دیسی اکائی اے جیہڑی خاص طور تے پنجاب وچ تے برصغیر پاک ہند دے کچھ علاقےآں وچ ورتی جاندی اے۔ اکائیاں دا بین الاقوامی نظام رائج ہوݨ مگروں گراماں وچ وزن کیتا جاندا اے لیکن ایہدے باوجود پنجاب وچ سونے دے وزن تے دیسی دوائیاں دے نُسخےآں وچ اجزاء دی مقدار دا وزن کرن لئی ہُݨ وی توݪے دی اکائی ورتی جاندی اے۔

1 توݪے وچ 12 ماشے ہُندے نیں تے 1 چھٹانک وچ 5 توݪے ہُندے نیں۔

وٹاندرا

12 ماشے = 1 توݪا

5 توݪے = 1 چھٹانک

1 توݪا = 11.664 گرام

1 چھٹانک = 11.664 ضرب 5 = 58.32 گرام

• حساب کتاب نوں سوکّھا کرن لئی 1 توݪے نوں مکمّل 12 گرام تے 1 چھٹانک نوں 60 گرام دے برابر وی منّیا جاندا اے۔