بنگلا

بنگلا (انگریزی: Bungalow) اک بڑا تے کھلا گھر ہُندا اے جو یا تاں اک منزلہ اے یا اوہدی دوسری منزل اک ڈھلوانی چھت وچ بݨائی گئی ہُندی اے (عام طور تے کِھڑکیاں دے ناݪ) تے چوڑے برآمدے ناݪ کِعھریا ہو سکدا اے۔

انگلینڈ وچ پہلا گھر جیہنوں بنگلے دے طور تے درجا بند کیتا گیا سی اوہ 1869 وچ بݨایا گیا سی۔ امریکا وچ ایہنوں ابتدائی طور تے تعطیلات دے فن تعمیر دے طور تے استعمال کیتا جاندا سی تے ایہ 1900 تے 1918 دے درمیان خاص طور پر آرٹس اینڈ کرافٹس ناݪ سبھ توں زیادا مقبول ہویا۔

بنگلے وکھ وکھ قِسماں دے ہُندے نیں جس طرحاں رہائشی بنگلے، ڈاک بنگلا، بھوت بنگلا، نہری بنگلے تے افسراں دے رہائشی بنگلے۔ محکما انہار پنجاب دی ملکیت وچ بہت سارے بنگلے نیں۔ محکما نہر دے افسراں دے رہائشی بنگلیاں توں علاوا نہری پاݨی دی ڈِسٹری بیوٹریز دے مڈھ اُتے وی بنگلے ہُندے نیں جِتھوں نہراں نوں چینلائز کیتا جاندا اے۔ جیس طرحاں کھیکھا بنگلا (ضلع ٹوبھا ٹیک سنگھ)، امین پور بنگلا (ضلع فیصل آباد) ، بنگلا منٹھار (ضلع رحیم یار خاں) ، بنگلا بوسال (ضلع منڈی بہاالدین) تے میانواݪی بنگلا (ضلع گجرانوالا) وغیرا نیں۔

بناوٹ

گھر دے مکیناں لئی بنگلے بہت سہولت بخش ہُندے نيں کیونکہ سارے رہائشی علاقے اک یا ڈیڈھ منزلہ نيں تے رہݨ واݪے تھاں کوئی اچائی نئیں تے عمومن پوڑیاں دی لوڑ نئيں پیندی۔ بنگلا اوہناں لوکاں لئی بوہتا موزوں اے جو نقل و حرکت تو‏ں محروم نيں۔

صِرف بنگلےآں اُتے محیط محلے، دو منزلہ مکانات آݪے مݪدے جݪدے محلےآں تو‏ں وَدھ رازداری فراہم کردے نيں۔ چونکہ بنگلے اک یا ڈیڈھ منزلہ ہُندے نيں، اس لئی سٹریٹجک طریقے ناݪ لائے گئے درخت تے جھاڑیاں عام طور تے گوانڈھ ولوں تاک جھاک تے جسوسی نو‏‏ں روکݨ لئی کافی ہُندیاں نيں۔ دو یا وَدھ منزلہ مکانات آݪے محلےآں وچ گوانڈھیاں ولوں اُتلیاں منزلاں توں جھاتی مارن توں روکݨ لئی اضافی اچائی نو‏‏ں پورا کرن لئی بہت ودھ لمبے درختاں د‏‏ی لوڑ ہُندی اے تے ایداں دے لمبے درختاں نو‏‏ں عمارت دے نیڑے رکھݨا عملی طور تے مُمکن نئيں۔ بنگلے سستی رہائش فراہ‏م کردے نيں۔ دوسرے پاسے، ایتھ‏ے تک کہ نیڑے دے فاصلے آݪے بنگلے وی کافی کَعھٹ کثافت آݪے محلے تشکیل دیندے نيں، جو شہری پھیلاوٹ وچ حِصا پاؤندے نيں۔ آسٹریلیا وچ بنگلےآں وچ چوڑے برآمدے ہُندے نيں جو شدید دُھپ تو‏ں بچا کے اندرلے حِصے نو‏‏ں چھاں دیندے نيں۔

بنگلےآں دیاں وکھ وکھ قِسماں

• رہائشی بنگلے
• نہری بنگلے
• ڈاک بنگلے
• بھوت بنگلے

مورتاں

• 
• 
• 
• 
• 
• 
• 
• 
• 
• 

ہور دیکھو

• حویلی
• محل
• بنگلا