باندرکلا

باندرکلا پنجاب وچ بچیاں دی اک کھیڈ اے۔ ایس وچ زمین تے اک کلا ٹھوکیا جاندا اے جس تے اک رسی بدھی ہوئی ہوندی اے تے اس کلے دے آل دوالے کھیڈن والیاں دیاں جوتیاں پئیاں ہوندیاں نیں۔ واری دین والا مُنڈا ایس رسی نُوں پکڑدا اے تے کلے دے دوالے چکر کٹ دا اے باقی منڈے ایہناں جوتیاں نُوں باہر کڈھن دی کوشش کردے نیں۔ مُنڈا کلے توں ایڈی دور ہی جا سکدا اے جیڈی کہ رسی لمبی ہوندی اے۔ اگر چکر کٹدے ہوۓ اوہ کسی جتی کڈھن والے نُوں ہتھ لا دے تے پھیر ایس منڈے دی واری آ جاندی اے۔ جدوں آخری جتی کڈ لی جاندی اے تے اوہ ساریاں جُتیاں واری دین والے نُوں اوس ویلے تک ماردے نیں جدوں تک اوہ اک خاص جگہ نُوں دوڑ کے ہتھ نہ لا لوے۔