بابا بڈھا جی دا جم بھائی سگھا دے گھر مائی گوراں دی ککھوں، پنڈ کتھو ننگل، ضلع امرتسر وچ ہویا۔ ماپیاں نے اوہناں دا ناں بوڑا رکھیا۔ کجھ چر مگروں اوہناں دے ماپے پنڈ رمداس آ وسے۔ اوہ بعد وچ مجھاں دے واگی بنے۔ جد اوہ باراں ورھیاں دے سن، تد گرو نانک رمداس پنڈ دے پاس آ ٹکے۔ بوڑا جی مجھاں چاردے اتھے آ گئے اتے اوہناں گرو جی دا پیغام سنیا۔ بعد وچ اوہ روز گرو جی کول آؤندے اتے اوہناں دا تعلیمات سندے اتے اوہناں واسطے دودھ لیا کے نذر کردے۔ اک دن گرو جی نے بوڑا جی نوں اوہناں بارے پچھیا اتے گرو جی نے بوڑا جی دے جواب سن کے کیہا کہ 'توں ہیں تاں بچہ، پر گلاں بڈھیاں والیاں کردا ہیں۔ توں بچہ نہیں، توں بڈھا ہیں۔' اس دن توں بوڑا جی دا ناں 'بڈھا جی' پے گیا۔ سکھ اوہناں نوں پیار نال بابا بڈھا جی آکھدے ہن۔

بابا بڈھا جی گرو ارجن دیوَ جی دے متھے ٹکا لگاندے ہوئے، اتے گرتا دی رسم ادا کردے ہوئے۔

بڈھا جی نے سکھی دھارن کیتی، اتے گرو نانک دیوَ جی دے سکھ بن گئے۔ اوہ سارا دن سنگتاں دی سیوا کردے، کھیتاں وچ جا کے کھیتی-باڑی دا کم وی نبھاؤندے اتے نام جپدے رہندے۔ اوہناں نے اپنا جیون سکھاں لئی نمونہ بنایا اتے گرو جی دے 'نام جپن، کرت کرن تے ونڈ کے چھکن' دی تعلیمات نوں کما کے دکھایا۔ گرو نانک دیوَ جی اوہناں اپر بہت پرسن سن، اتے جدوں گرو جی نے گرگدی گرو انگد دیوَ جی نوں سونپی، تاں گرو جی نے گو‌ریائی دی رسم بابا بڈھا جی پاسوں ادا کروائی۔ مگروں تیجی، چوتھی، پنجویں تے چھیویں پاتشاہی نوں گرتا دی رسم وی بابا بڈھا جی ہی کردے راے۔