اینڈریو جیکسن
امریکہ دا ستواں صدر
جیون: 15 مارچ 1767 - 8 جون 1845
کم : زمیندار ، جرنل، جج
ویلہ: 4 مارچ 1829 - 4 مارچ 1837
دسخط:

اینڈریو جیکسن (15 مارچ، 1767-8 جون، 1845) امریکہ دے ستویں صدر[۱] سی۔ اس دا جنم ویکسہاس نارتھ اتے ساؤتھ کیرولینا دی سرحد 'تے جنگلی بستی وچ ہویا۔ اس دا پروار آئرلینڈ توں آیا سی اس نے قانون دی تعلیم حاصل کیتی۔ اس نے کجھ سمیں لئی ٹینیسی وکھے وکیل بن کے کم کیتا۔ اینڈریو جیکسن اک دھناڈھ پریوار نال تعلق رکھدا سی۔ ہاؤس آف ریپرزینٹیٹوز لئی ٹینیسی وچوں چنے جان والا اوہ پہلا بندہ سی اتے اس نے سینیٹ وچ سیوا کیتی۔ 1780-81 وچ برطانیہ ولوں کیرولیناز 'تے کیتے گئے حملے وچ جیکسن دی ماں اتے دو بھرا مارے گئے، تے جیکسن نوں جیل وچ ڈکّ دتا۔

فوج دی سیوا سودھو

اس نے 1812 دی جنگ دوران امریکی فوج وچ میجر جنرل وجوں سیوا کیتی اتے 5 مہینے کریک انڈیئنز جو کہ برطانیہ دے مددگار سن، دے خلاف لڑائی لڑی۔ انت وچ امریکی فوج نے 1814 دے ادھ وچ الباما دے ٹوہوپیکا وچ جت حاصل کیتی۔ جیکسن نے نیواورلینز دی لڑائی وچ امریکی فوجاں دی اگوائی کیتی اتے جنوری 1815 وچ جت حاصل کیتی۔ 1817 وچ فوج دے دکھنی ضلع کمانڈر وجوں جیکسن نے فلوریڈا 'تے حملہ کرن دے حکم دتے۔ آپ نے سپینش پوسٹاں سینٹ مارکز اتے پینساکولا 'تے قبضے توں بعد امریکہ دے آلے-دوآلے دے علاقے 'تے حق جتایا۔ اینڈریو جیکسن 1796 وچ ٹینیسی کنسیچیوشنل کنوینشن لئی ڈیلیگیٹ چنیا گیا۔ 4 مارچ، 1829 اسنوں صدر چنیا گئیا۔ ایہ پہلا صدر سی جس نے یو. ایس. کیپیٹل دے ایسٹ پورٹیکو دے دفتر وچ سہں چکی۔ ایہ کئی عہدےآں تے رہے جہناں وچّ ڈیموکریٹک پارٹی ولوں یو. ایس. سینیٹر، 1798 وچ ٹینیسی سپریم کورٹ لئی ججّ وغیرہ سی۔ صدر دے سماں پورا ہون توں بعد ایہ ہرمیٹیج وکھے رہیا تے اتھے اس دی 8 جون، 1845 نوں موت ہو گئی۔

حوالے سودھو

  1. (2005) Andrew Jackson: His Life and Times. New York: Anchor Books. ISBN 1400030722. 


واشنگٹن · ایڈمز · جیفرسن  · میڈیسن · مونرو · ایڈمز · جیکسن · بورن · ہیریسن · ٹائلر · پولک · ٹیلر · فلمور · پیئرس · بکانن · لنکن · جانسن · گرانٹ · ہیز · گارفیلڈ · آرتھر · کلیولینڈ · ہیریسن · کلیولینڈ · میک کنلے · روزویلٹ · ٹافٹ · ولسن · ہارڈنگ · کولج · ہوور · ڈی روزویلٹ · ٹرومین · آئزن ہاور · کینیڈی · جانسن · نکسن · فورڈ · کارٹر · ریگن · بش · کلنٹن · بش · اوبامہ