اگوازو چھمبر
اگوازو برازیل تے ارجنٹاین دی ولگن دے نیڑے دریائے اگوازو تے اک وڈی چھمبر اے۔ ایہہ اوس تھاں تے بندی اے جتھے دریا اپنے پوورے جوبن تے ہندا اے۔ 262 میٹر دی بلندی توں ڈگن آلا پانی اینا زیادہ ہندا اے کہ اس نال ہر سیکنڈ چ اولمپک کھیڈاں چ استعمال ہون آلے تیراکی دے 6 تلاء(حوض)بھرے جا سکدے نیں ۔
چھمبراں دا ایہہ پربندھ صرف 7۔2 کلومیٹر دے رقبے تے تقریبا 270 چھمبراں تے اے۔ کجھ چھمبراں 82 میٹر تک بلند نیں جدوں اکثر چھمبراں دی بلندی 64 میٹر اے۔ 150 میٹر چوڑی تے 700 میٹر لمبی انگریزی دے اکھر"U" دی شکل دی اک ڈھلان جسنوں شطان دا سنگھ ( انگریزی چ :Devil's Throat) آکھئیا جاندا اے اینہآں ساریاں چوں سب توں متاثر کرن آلی اے ۔ اس سلسلے دیاں زیادہ تر چھمبراں ارجنٹاین چ نیں پر اینہاں دا بہترین نظارہ برازیل ولوں کیتا جا سکدا اے ۔ ایہہ مشہور زمانہ نیاگرا چھمبر توں کتے وڈیاں نیں تے اس دا مقابلہ صرف افریقہ دی وکٹوریہ چھمبر کر سکدی اس جہڑی زمبابوے تے زیمبیا دی سرحد تے واقع اے ۔
اس چھمبر نون علاقے دے دوناں دیساں چ قومی پارک دا درجہ دتا گئیا اے ، جہڑے برازیل تے ارجنٹاین دوناں چ اگوازو نیشنل پارک کہلاندے نیں ۔ دونے پارک یونیسکو دے عالمی ثقافتی ورثے دا حصہ نیں ۔
| وکیمیڈیا کامنز چ مورتاں: Iguaçu Falls |
بارلے جوڑ
سودھو- [۱]
- [۲] Archived 2010-05-15 at the وے بیک مشین
- [۳]