سرال

سرال یا مہانگ یا اژدہا یا ڈریگن، اک افسانوی مخلُوق اے جیہڑی دُنیا بَھر دیاں کئی ثقافتاں دیاں لوک کہاݨیاں وچ پائی جان٘دی اے۔ ایہناں نوں اکثر وڈی، طاقتور تے خوفناک مخلُوق دے طور اُتے دکھایا جان٘دا اے جس وچ رِن٘گݨ والے یا سپ دِیاں خصوصیات ہُندِیاں نیں۔

ڈریگن دے بارے وچ عقائد خِطّیاں دے لحاظ نال کافی مُختلف ہُندے نیں، لیکن مغربی ثقافتاں وچ قرون وسطیٰ توں ڈریگناں نوں اکثر پراں والے، سِنگاں والے تے اَگّ وچ ساہ لَیݨ دی صلاحیت دے طَور اُتے دکھایا گیا اے۔ مشرقی ثقافتاں وچ ڈریگن نوں عمُومن پراں توں بغیر، چار لتّاں والے، ناگ دی مخلُوق دے طَور اُتے دکھایا جان٘دا اے جیہناں دی ذہانت اَوسط توں زیادہ ہُندی اے۔ ڈریگن دِیاں خصلتاں دے درمیان مُشترکات اکثر بلی ٹبر، کرلے، ممالیہ تے پنچھی دی خصُوصِیات دی ہائبرڈائزیشن ہُندِیاں نیں۔