اورگینک فارمنگ

اورگینک کھیتی جاں قدرتی کھیتی (انگریزی: Organic farming) کھیتی دے اس ڈھنگ نوں آکھدے ہن جس وچّ قدرتی کھاداں ، ہریاں کھاداں اتے قدرتی ڈھنگ نال تیار کیتے کیٹناشکاں اتے دوائیاں دی ورتوں کیتی جاندی ہے۔ قدرتی کھاداں وچّ کمپوسٹ کھاد، مرغیاں دی کھاد اتے روڑی دی کھاد شامل ہن اتے ہری کھاد کسے فصل دے ہرے مادے نوں زمین وچّ واہ جاں دب دین نال تیار ہندی ہے۔ عامَ طور اُتے جنتر جاں ڈھینچا، گوارا، مونگی اتے روانا وغیرہ پھلیدار فصلاں دی ورتوں ہری کھاد وجوں کیتی جاندی ہے۔ اس کیمیائی کھاداں، کیٹناشکاں وغیرہ دی ورتوں نہیں کیتی جاندی جاں نہ دے برابر کیتی جاندی ہے۔ اس دے تحت سبزیاں، پھلاں، اناج دی کاشت کیتی جاندی ہے۔ قدرتی کھیتی دی ترقی لئی پنجاب سرکار ولوں سال 2006 وچّ آرگینک فارمنگ کونسل آفّ پنجاب قایم کیتی گئی جو کساناں نوں اورگینک کھیتی کرن لئی ٹریننگ وی دندی ہے اتے اوہناں دے کھیتاں نوں قدرتی کھیتاں وجوں رجسٹر وی کردی ہے۔

بھارت وچّ قدرتی کھیتی

صوبہ سکم وچّ قدرتی کھیتی بڑی تیزی نال ودھ رہی ہے اتے سال 2015 تکّ اس نوں دیس دا پہلا قدرتی صوبہ بناؤن لئی جتن ہو رہے ہن۔ اس لئی صوبے وچّ قدرتی اتے ہریاں کھاداں بناؤن دیاں کئی اکائیاں لائیاں گئیاں ہن۔ پنجاب وچّ وی قدرتی کھیتی ترقی لئی آرگینک فارمنگ کونسل آف پنجاب قایم کیتی گئی ہے جو کساناں نوں قدرتی کھیتی باررے ٹریننگ دندی ہے اتے کھیتاں نوں قدرتی کھیتاں دے طور اُتے رجسٹر وی کردی ہے۔