ابن ماسویہ

ابن ماسویہ دا پورا ناں زکریا یحیی بن ماسویہ الخوزی اے تے اوہ طبیب سی ۔ پیؤ ولوں سریانی تے ماں ولوں صقلبی سی ۔ سامراء چ جمادی الثانی 243ھ چ وفات پائی تے ورثے چ کوئی 40 دے نیڑے کتاباں تے مقالے چھڈے ۔

ابن ماسویہ دیاں مشہور کتاباں ایہہ نیں : النوادر الطبیہ ، کتاب الازمنہ ، کتاب الحمیات ، ایہہ ساریاں کتاباں کئی بولیاں چ ترجمہ ہو کے کئی بار شائع ہو چکیاں نیں ۔

ابن ماسویہ دیاں طبی لکھتاں دی اک طویل فہرست اے جہڑی عباسی دور حکومت دے ابتدائی ویلے اس دے اک وڈے کردار دی عکاسی کردی اے ۔ طبی سائنس دی ترقی چ ابن ماسویہ دا بوہت وڈا کردار اے ، اس نے طبی سائنس نوں یکمشت کئی قدم اگے دھک دتا ۔ طالب علماں دی اک وڈی گنتی اس دے حلقہ درس توں فارغ التحصیل ہوئی تے عرب دے وڈے وڈے اطباء کہلائے ۔