آئی پیچ
| آئی پیچ | |
|---|---|
 |
,_Koninklijk_Museum_voor_Schone_Kunsten_Antwerpen,_3297.jpg)
آئی پیچ (Eyepatch) اک چھوٹا جیہا پیچ اے جیہڑا اک اکھ دے سامݨے پہنیا جان٘دا اے۔ ایہ سر دے دواݪے لچکدار بینڈ، تار، چِپکݨ واݪی چمڑے دی پٹّی یا پلاسٹک دا آلہ ہوسکدا اے۔ ایہ اکثر لوک کھوئی ہوئی، متاثرَہ یا زخمی اکھ نوں ڈھاکّݨ لئی لاؤن٘دے نیں، لیکن ایہ بچّےآں وچ ایمبلیوپیا (گَھٹ نظری) دے علاج لئی وی اِستعمال ہُن٘دا اے۔ سوݨ ویلّے روشنی نوں روکّݨ لئی استعمال ہوݨ واݪے آئی پیچ نوں سلیپ ماسک کہیا جاندا اے۔
آئی پیڈ اک نرم طِبّی ڈریسِن٘گ اے جیہنوں اکھ دے اُتے لایا جاسکدا اے تاکہ اوہدی حفاظت کيتی جاسکے۔
آئی پیچ دا اِستعمال افسانے وچ کِسے کردار نوں اضافی جہت دیݨ لئی وی کيتا جا سکدا اے۔
تاریخ
سودھوایڈوانس میڈیسن تے سرجری توں پہلاں دے سالاں وچ اکھ دے پیچ اوہناں لوکاں لئی عام سی جیہناں دی اکھ زخمی ہوگئی یا کھوگئی سی۔ اوہ خاص طور اُتے خطرناک پیشےآں دے مِمبراں وچ پائے جان٘دے سن، جِداں کہ فوجی تے ملاح، جیہڑے جَن٘گ وچ اک اکھ کھو سکدے سن۔ جِداں کہ دقیانوسی طور اُتے قزاقاں دے ناݪ تعلّق اے، 19 ويں صدی دے کئی مشہور ناولاں توں پہلاں قزاقاں دے اکھ دے پیچ پہنݨ دی تاریخی درُستگی دی تجویز کرن دا کوئی ثبوت نئیں۔(سمُندری قزاقاں ناݪ تعلّق تھلّے دیکھو)
سمُندری قزاقاں ناݪ تعلّق
سودھوساحل دے سابق ملاح بعض اوقات اکھ دے نقصان نوں پورا کرن لئی آئی پیچ پہندے سی، لیکن بحری قزاق بحری جہاز اُتے سوار ہُن٘دے ہوئے شاذ و نادر ہی اکّھاں دی پٹّی پہندے سی۔ کچھ مستثنیات سن، جیہناں وچ رحمہ ابن جابر الجلحیمہ، خلیج فارس دا اک مشہور بحری قازق وی شامل سی، جیہنے جنگ وچ اَکھ توں محروم ہوجاݨ مگروں اکھ دا پیچ لایا سی۔
طِبّی متن وچ اکھ دے پیچ نوں "بحری قزاقاں دا پیچ" کہیا گیا اے تے 1934ء وچ مینیسوٹا اکیڈمی آف سائنسز جرنل وچ لکھدے ہوئے میو فاؤنڈیشن دے چارلس شیرڈ نے اس گَل دی نشاندہی کیتی کہ "اک اکھ اُتے پیچ (بحری قزاقاں دا پیچ) پہنݨ ناݪ ڈھکی ہوئی اَکھ رات دی بینائی لئی تیار تے موافقت دی حالت وچ رہندی اے"۔ اس تکنیک نوں WWII دے دوران ریاستہائے متحدہ امریکا دی بحریہَ وَرگے اداریاں نے دریافت کیتا سی۔ ایہ تجویز کیتا گیا کہ برقی روشنی توں پہلاں قزاقاں نے بورڈنگ آپریشن توں پہلے اک اکھ نوں نھیرے وچ ایڈجسٹ کرن لئی آئی پیچ پہنیا سی تاکہ اوہ ڈیک دے تھلّے لڑن لئی تیار ہو جاݨ جِتھے روشنی گَھٹ سی۔ ایہ خیال 2007ء وچ MythBusters دے اک ایپیسوڈ وچ آزمایا گیا سی تے ایہنوں قابل فہم پایا گیا، لیکن اس ایپلی کیشن نوں کدی وی کِسے تاریخی بحری کتابچے وچ دستاویزی شکل نئیں دِتی گئی۔