ہیولوک جزیرہ

ہیولوک جزیرہ
مقام
متناسقات	11°58′00″N 93°00′00″E
مجموعۂ جزیرے	انڈمان جزیرے
رقبہ (كم²)	113.93 مربع کلومیٹر
حکومت
ملک	بھارت
کل آبادی	5354
منطقہ وقت	متناسق عالمی وقت+05:30
[مکمل اسکرین پر]

ہیولوک دا سیلانی سمندری-جہاجدری اڈا (جیٹٹی)

سیلانیاں لئی ورتے جاندے ہاتھی

ہیولوک جزیرہ (انگریزی: Havelock Island), (ہندی: हैवलॉक द्वीप), ملیالم: ഹെയ്വ്ലോക് ദ്വീപുകള്‍, تامل: ஹேவ்லாக் தீவு, بنگالی: হেৱলাক দ্ৱীপ), بھارت دے انڈیمان اتے نکوبار جزیرےآں دا اک جزیرہ ہے۔ ایہہ انڈیمان دا سبھ توں وڈا جزیرہ ہے جسدا رقبہ 113.93 کلومیٹر ², ہے۔ ہیولوک جزیرہ پورٹ بلیئر دے 57  کلومیٹر شمال وچ واقع ہے۔ 2001 وچّ اس جزیرے دی وسوں 5,354 سی ۔.

پچھوکڑ اتے ویروا

اس جزیرے دا نام برطانیہ دے جنرل ہینری ہیولوک دے نام اُتے پیا جو بھارت وچ تعینات رہا سی ۔ جزیرے دی زیادہ تر وسوں بنگالی ہے |ایہناں وچوں زیادہ تر لوک بنگلادیشی پچھوکڑ والے ہن جہنا نوں 1971 دی بھارت پاکستان جنگ توں بعد اتھے زمین دے کے وسایا گیا سی۔

اس جزیرے وچ جو پنج پنڈ وسائے گئے اہنا دے ناں ہن :

1. گووند نگر
2. وجے نگر
3. شیام نگر
4. کرشنا نگر
5. رادھا نگر

اس جزیرے وچ جہناں کسان ٹبراں نوں آباد کیتا گیا سی اوہناں نوں اوسطاً 30-30 وگھے زمین دتی گئی سی جس وچ 15 وگھے باغبانی والی اتے 15 وگھے فصلی کھیتی والی سی۔

کھیتی اتے باغبانی

اس جزیرے وچّ باغبانی وچ زیادہ تر ناریل، سپاری اتے کیلے دی کھیتی ہندی ہے۔ فصلی کھیتی وچ مکھ روپ وچ چولاں دی کھیتی کیتی جاندی ہے۔ کجھ سبزیاں وی اگائیاں جاندیاں ہن پر زیادہ سبزیاں خاص کر آلو ، پیاز ، سلاد وغیرہ سمندری جہاز راہیں باہروں منگوائیاں جاندیاں ہن۔ کساناں دی سماجی معاشی حالت درمیانے درجے دی ہے۔ اوہناں دے بچے گھٹّ پڑھے-لکھے ہن کیونکِہ اتھے صرف 10 +2 پدھر تکّ دا ہی سکول ہے اتے اس توں بعد ہور اچیری پڑھائی لئی اہنا نوں پورٹ بلیئر جانا پیندا ہے۔

• 
  ہیولوک دا اک بنگالی کسان
• 
  ناریل باغبانی
• 
  کیلے ،ناریئل اتے سپاری دی باغبانی
• 
  اک کسان دے گھر وچ سکایا جا رہا سپاری دا پھل
• 
  اک کسان عورت پنڈ شامنگر ، ہیولوک وکھے سپاری دا چھلکا اتاردی ہوئی
• 
  سبزی منڈی
• 
  Coral reef Elephant Beach
• 
  Coral reef Elephant Beach
• 
  Coral reef Elephant Beach
• 
  Coral reef Elephant Beach

معاون کھیتی دھندے

دیہاتی علاقے وچ کھیتی اتے باغبانی دے نال نال مرغی پالن،بطخ پالن، مچھی پالن اتے سور پالن وغیرہ معاون دھندے وی کیتے جاندے ہن ۔

• 
  مچھی پالن
• 
  بطخ پالن
• 
  سور دے میٹ دی وکری
• 
  گھریلو مرغے
• 
  ناریل اتے سپاری دی باغبانی
• 
  گھریلو مرغیاں

سنچائی

اس جزیرے وچّ دھرتی ہیٹھلا پانی چنگی قسم دا ہے اتے ایہہ کافی اتلے پدھر (8-10فٹّ) تے مہیا ہے ۔ کسان سنچائی لئی پانی لئی کھوہ ورگا اک کچا ٹوآ پٹّ لیندے ہن اتے 8-10فٹّ تے پانی آ جاندا ہے جو اس وچّ جماں ہویا رہندا ہے ۔

• 
  سنچائی لئی کھوہ/ٹوآ دا پانی
• 
  سنچائی لئی کھوہ/ٹوآ

سیر سپاٹا

ہیولوک جزیرے دا لینڈسکیپ

ہیولوک جزیرے دا لینڈسکیپ

ہیولوک جزیرہ انڈیمان اتے نکوبار جزیرےآں وچوں اک ہے جتھے حکومت ولوں سیلانیاں لئی سیر سپاٹا ایکو ٹوریزم سرگرمیاں نوں اتساہت کرن نوں پروانگی دتی ہے ۔

اس دیپ وچ ہیٹھ لکھیاں سبھ توں ودھ خوبصورت سمندری جھیلاں (Beaches) ہن :

1. رادھا نگر بیچ - اتھے سورج دے است ہون دا منظر بہت دلکش ہندا ہے ۔
2. کالا پتھر بیچ - نظارہ مانن اتے فوٹوگرافی وغیرہ لئی
3. ایلیفینٹا بیچ- سنارکنگ (Snorking) , کورل ریف (coral reef) اتے واٹر گیمز لئی مشہور
4. وجے نگر بیچ -بہو سیلانی منتواں لئی

اہنا وچوں رادھا نگر جھیل سبھ توں رمنیک ہے جسنوں ٹائم میگزین نے 2004 وچّ "ایشیا دی سبھ توں اعلی بیچ " دا درجہ دتا سی |اس بیچ تے سورج است ہون دا درش بے حدّ دلکش منیا جاندا ہے | ایلیفینٹا بیچ وکھے مگرمچھاں دا بسیرا ہون کرن کجھ خطرہ ہندا ہے ۔ 2010 وچ اک امریکن سیلانی تے مگرمچھ دے حملے دا واقعہ ساہمنے آیا سی ۔

اس توں علاوہ اس جزیرے دا لینڈسکیپ وی کافی رمنیک اتے منموہنا ہے جو سیلانیاں نوں بے حدّ آکرشت کردا ہے ۔دور دور تک ناریل اتے سپاری دے لمّ سلمے رکھ اس جزیرے دی دکھّ نوں چار چن لاؤندے ہن ۔

اس جزیرے وکھے ہر طرحاں دے سستے ، درمیانے اتے مہنگے درجے دے ہوٹل ملدے ہن جو 1000 روپئے توں شروع ہو جاندے ہن ۔ اس جزیرے وکھے صرف اک ہی سرکاری ہوٹل ڈالفن بیچ ریزارٹ ہے جو آن لائن بکّ ہندا ہے ۔

گھراں دی بنتر

ہیولوک وچّ روایتی روپ دے گھر ناریل جان بانس وغیرہ دی لکڑی دے چھلکے دیاں دیواراں اتے ٹین وغیرہ نال پائیاں چھتاں والے ہندے ہن ۔ ہن کجھ گھر اٹاں اتے سیمنٹ وغیرہ دے وی بنائے جان لگّ پائے ہن ۔ گھراں دے نیڑے تیڑے ہی پسواں اتے مرغیاں لئی وی اجیہے ہی قسم دے سامان نال واڑے بنائے ہندے ہن ۔

• 
  ہیولوک وچّ گھراں دی قسم
• 
  ہیولوک وچّ گھراں دی قسم
• 
  بطخاں لئی چھاؤرا

تصویراں

• 
  رادھا نگر بیچ
• 
  رادھا نگر بیچ
• 
  رادھا نگر بیچ سورج است ہون ویلے
• 
  ایلیفینٹا بیچ
• 
  کالا پتھر بیچ
• 
  کالا پتھر بیچ

ایہ وی ویکھو

• نیل جزیرہ
• باراٹانگ جزیرہ

حوالے

باہرلے جوڑ

• سانچہ:Wikivoyage-inline
• Havelock Island Andaman Photographs as on September 2010
• Havelock Island Andaman Archived 2016-03-23 at the وے بیک مشین