پائیریٹس آف دی کریبیئن:ڈیڈ مینز چیسٹ

پائیریٹس آف دی کیریبیئن: ڈیڈ مینز چیسٹ
فائل:Pirates of the caribbean 2 poster b.jpg فلم دا پوسٹر
ہدایتکار	گور وربنسکی
بنان آلے	جیری برکہیمر
لکھاری	ٹیڈ الیئٹ ٹیری روشیؤ
بنیاد	ٹیڈ الیئٹ ٹیری روشیؤ سٹوئرٹ بیٹی جیء وولپرٹ دی رچنا  پاتر والٹ ڈزنی دی رچنا  پائیریٹس آف د کیریبیئن
ستارے	جونی ڈیپ اورلینڈو بلوم کیرا نھائیٹلی بل نائیٹی جیک ڈیونپورٹ سٹیلن سکارسگارڈ کیون مکنالی جوناتھن پرائیس
میوزک	ہانس زمر
عکسبندی	ڈاریؤز وولسکی
ادارت	کریگ وڈ، سٹیون روکن
محصولی ادارہies	والٹ ڈزنی پکچرز جیری برکہیمر فلمز
ونڈن آلے	بیونا وسٹا پکچرز
تاریخ نمائش	جون 24, 2006 (2006-06-24) (ڈزنیلینڈ رزورٹ) جولائی 7, 2006 (2006-07-07) ( امریکہ)
ویلہ	150 منٹ
دیس	امریکہ
بولی	انگریزی
لاگت	$225ملیان
باکس آفس	$1.066 بلیئن

پائیریٹس آف دی کیریبیئن: ڈیڈ مینز چیسٹ (انگریزی: Pirates of the Caribbean: Dead Man's Chest) 2006 وچ رلیز ہوئی خیالی فینٹیسی فلم اے اتے پائیریٹس آف دی کیریبیئن فلم لڑی دی دوجی فلم اے اتے 2003 وچ بنی پائیریٹس آف دی کریبیئن:دی کرس آف دی بلیک پرل دا اگلا حصہ اے۔ اسنوں ٹیڈ الیئٹ اتے ٹیری روشیؤ ولوں لکھیا گیا اے اتے گور وربنسکی ولوں ڈاریکٹ کیتا گیا اے۔ اس فلم وچ لورڈ کٹلر بیکیٹ (ٹوم ہولینڈر)، ول ٹرنر (اورلینڈو بلوم) اتے ایلیزابیتھ سوان (کیرا نھائیٹلی) دی شادی وچ رکاوٹ پا دندا اے اتے ول نوں سپیرو دی کمپاس لیاؤن لئی کہندا اے۔ اتھے دوجے پاسے جیک سپیرو (جونی ڈیپ) نوں ڈیوی جونز (بل نائی) توں لیا ہویا ادھار چکاؤنا اے۔

پائیریٹس آف دی کیریبیئن نوں دو حصےآں وچ بناؤن دا وچار 2004 وچ ہی طے کیتا گیا سی اتے الیئٹ اتے روشیؤ دی جوڑی دوواں حصےآں نوں کڑی دے روپ وچ لیاؤن دے لئی کہانی اپر کم کرن لگی۔ فلمیکرن فروری توں ستمبر 2005 دے وچکار پالوس وردیس، سینٹ ونسینٹ اتے گریناڈائینز، ڈومینیکا اتے بہاماس وچ اتے والٹ ڈزنی ولوں بنائے گئے سیٹاں اپر کیتا گیا۔ اس فلم دے نال ہی ایٹ ورلڈز اینڈ فلم دی وی شوٹنگ کیتی گئی۔

ڈیڈ مینز چیسٹ نوں 7 جولائی، 2006 نوں رلیز کیتا گیا سی۔ فلم دی اسدے سپیشل افیکٹاں لئی سراہنا ہوئی پر اسدی کہانی اتے لمبائی دی تنقید وی کیتی گئی۔ اس سبھ دے باو جود فلم نے شروعاتی تن دناں وچ ہی کئی ریکارڈ بنا دتے سن۔ پہلے ہفتے وچ ہی اسنے امریکہ وچ 13.9 کروڑ ڈالر کما لئے سن اتے دنیا بھر وچ سبھ توں تیز 100 کروڑ ڈالر دا آنکڑا پار کرن والی فلم بن گئی سی۔ اکتوبر 2011 تک ایہہ دنیا وچ سبھ توں زیادہ پیسہ کماؤن والی فلم اے۔ اسنوں اکادمی انعاماں وچ سبھ توں ودھیا کلا ڈریکشن، ساؤنڈ ایڈٹنگ اتے ساؤنڈ مکسنگ وچ نامزدگی ملی سی اتے وزوئل افیکٹ کیٹیگری وچ اسنوں جت ملی سی۔ پائریٹس آف دی کریبیئن:ایٹ ورلڈز اینڈ

کہانی

ول اتے ایلیزابیتھ دے ویاہ وچ ایسٹ انڈیا کمپنی دے لورڈ کٹلر دے آؤن نال رکاوٹ پیدا ہو جاندی اے جہڑا دوواں دی گرفتاری دا حکم لے کے آؤندا اے۔ ول اتے ایلیزابیتھ دے نال سابق کوموڈور جیمز نورنگٹن نوں جیک سپیرو نوں فانسی دے وقت بھجن وچ مدد کرن دے لئی فانسی دی سزا سنائی جاندی اے۔ ایلیزابیتھ نوں جیل وچ بند کرکے ایلیزابیتھ دے بدلے بیکیٹ ول نوں جیک سپیرو اتے اسدی کمپاس لیاؤن لئی کہندا اے جہڑی صرف اسے سمت نوں وکھاؤندی اے جہڑی اسنوں پھڑھن والے نوں سبھ توں چہیتی ہووے۔ اسے دوران جیک سپیرو اپنے پرل جہاز دے ساتھیاں نوں دسدا اے کہ اوہناں نے اک پراسرار چابی لبھنی اے۔ جیک دی ملاقات ول دے پیؤ بوٹسٹریپ بل ٹرنر نال ہندی اے جہڑا اسنوں دسدا اے کہ ہن اوہ د فلائینگ ڈچمین جہاز دا جہازی اے جسدا کپتان ڈیوی جونز اے اتے جیک نوں اپنا ادھار چکاؤنا پویگا جہڑا اسنے بلیک پرل نوں سمندر دیاں ڈونگھائیاں توں کڈھ کے تیراں ورھیاں تک کپتان بنے رہن دے روپ وچ لیا سی۔ بدلے وچ جیک نوں ہن ڈچمین جہاز اپر اگلے 100 ورھیاں تک کپتان بن کے رہنا پویگا۔ بوٹسٹریپ جیک نوں چیتاونی دندا اے کہ جونز دا شیطان کریکن اسدے پچھے چھڈّ دتا جاویگا جیکر اسنے اپنا ادھار نہیں چکایا۔ ڈر دے مارے جیک پرل نوں نیڑلے تٹ اپر لے جاندا اے۔

ول، جیک نوں لبھدے ہوئے بلیک پرل نوں لبھّ لیندا اے جہڑا کہ پیلیگوستو دیپ تے ہندا اے جتھے اک آدمخور لوکاں دی جماعت جیک نوں ربّ مندی اے اتے اسنوں اسدے نشور سریر توں مکت کرن دے لئی اسنوں کھان دا بندوبست کر رہی ہندی اے۔ جیک، ول اتے بچے ہوئے جہازی اس دیپ توں بچ نکلدے ہن اتے پچھوں اوہناں دے نال پرل دے دو میمبر پنٹل اتے ریگیٹی وی مل جاندے ہن۔ ایلیزابیتھ اپنے پیؤ ویدربائے سوان دی مدد نال جیل وچوں فرار ہو جاندی اے۔ بیکیٹ ویدربائے نوں پھڑھ لیندا اے اتے ایلیزابیتھ دے ہتھوں جیک دے لئی اک پیش کش بھیجدا اے۔ جیک اتے اسدے ساتھی جادوگر ٹیا ڈالما نال ملدے ہن جہڑی اوہناں نوں دسدی اے کہ اوہ جو چابی لبھّ راے ہن اوہ اک صندوق نوں کھولھدی اے جس وچ ڈیوی جونز نے اپنا دل کڈھ کے لکایا ہویا اے اتے اوہ چابی جونز دے کول ہی ملیگی۔ جونز اپنے سراپ دے چلدے دس سالاں وچ صرف اک وار زمین اپر پیر رکھ سکدا اے اسلئی استوں بچاء دے لئی ٹیا جیک نوں مٹی نال بھریا اک مرتبان دندی اے۔

اک نکسانے ہویا جہاز ملن تے جیک ول نوں اس اتے ڈیوی جونز نوں اپنا ادھار چکاؤن لئی بھیج دندا اے۔ اتھے ول نوں د فلائنگ ڈچمین دے مچھیاں جاے جہازی پھڑ لیندے ہن اتے جیک دا ساہمنا ڈیوی جونز نال ہندا اے جہڑا اسنوں تن دناں وچ سوں آتماواں لیاؤن لئی کہندا اے نہیں تاں جیک نوں د فلائنگ ڈچمین اتے آؤنا پویگا۔ ڈچمین اپر ول دی ملاقات اپنے پیؤ بل نال ہندی اے۔ ول چلاکی کرکے جونز توں چابی دا پتہ کر لیندا اے اتے اسدے سون تے اسنوں چوری کر لیندا اے۔ جہاز چھڈدے ویلے اوہ بل نوں بچاؤن دا وعدہ کردا اے۔ پرل ٹورٹوگا ول جاندا اے جتھے ایلیزابیتھ اتے نورنگٹن اسدے نال شامل ہو جاندے ہن۔

ہورویکھو

• پائریٹس آف دی کریبیئن:ایٹ ورلڈز اینڈ
• پائیریٹس آف دی کریبیئن:دی کرس آف دی بلیک پرل

حوالے

باہرلےجوڑ