فڈل کاسٹرو
(فدیل کاسترو توں مڑجوڑ)
فیڈل کاسٹرو (13 اگست1926 - 25 نومبر2016) کیوبا دا اک سیاستدان تے انقلابی آگو سی جیہڑا 1959 توں 1976 تک کیوبا دا وزیراعظم رہیا تے 1976 توں 2006 تک کیوبا دا صدر رہیا فیر کیوبا دی صدارت دا عہدہ اپنے نِکے بھرا راؤل کاسٹرو نوں سونپ دتا ۔ فیڈل کاسٹرو سیاست وچ اک مارکسسٹ-لیننسٹ سی تے کیوبا دا نیشنلسٹ سی تے اوہ 1961 توں 2011 تک کیوبا دی کمیونسٹ پارٹی دا پہلا سیکریٹری وی رہیا۔ اوہدی حکومت وچ کیوبا اک پارٹی آلا سوشلسٹ دیس بن گیا ۔
