شنکر گُہا نییوگی

شنکر گُہا نییوگی
تاریخ پیدائش	14 فروری 1943
تاریخ وفات	28 ستمبر 1991 (48 سال)
شہریت	برطانوی ہندستان
عملی زندگی
پیشہ	ٹریڈ یونین پسند ،  سماجی کارکن

شنکر گُہا نییوگی (14 فروری 1943 – 28 ستمبر 1991) چھتیسگڑھ وچ دلی راجہارا مائین دے شہر وچ اک مزدور یونین چھتیسگڑھ مکتی مورچہ دابانی سی۔

شنکر گُہا نییوگی نے 1977 توں لے کے 1991 وچ اپنی موت تک 14 سالاں لئی خان مزدوراں دی تحریک قایم رکھن وچ کامیابی حاصل کیتی۔ 28 ستمبر 1991 نوں اس دی قتل کر دتی گئی سی، جدوں اوہ صرف 48 سال دا سی۔

زندگی

مڈھلا جیون

نیوگی دا جم 14 فروری 1943 نوں اک عامَ پروار وچ ہویا سی۔ اس دے پیؤ دا نام ہیرمبھ کمار تے ماں دا نام کلیانی سی۔ جم ویلے اسدا نام دھریش کمار رکھیا گیا اسیں۔ دھریش نے مڈھلی سکھیا آسام دے اک پنڈ جمنامکھ وچ حاصل کیتی۔ ہائی سکول دی پڑھائی اسنے مغربی بنگال دے ضلع وردھوان وچ آسنسول نیڑے سنکٹوریا وچ اپنے تائے کول رہندے ہوئے حاصل کیتی۔ اسدے تایا اتھے اک کولے دی کھان وچ انجینیئر سی۔ اتھے دھریش نے کولا کھان وچ کم کردے بنگالی لوکاں دے جیون تے معاشی مندحالی نوں نیڑے توں دیکھیا۔ اس نے اتھے ہی دیکھیا کہ شراب تے جوآ کویں مزدوراں دے جیون نوں برباد کر دندے ہن۔ اتھے اس نے چنکڑی کولیاری اگنیکانڈ وچ وڈی آبادی مزدوراں نوں مردے دیکھیا تے اس نے لوکاں واسطے کجھ کرن دا من بنا لیا۔

1958 وچ اس دے پیؤ نے پچھم بنگال دے جلپائیگڑی وچ پروار لئی اک مکان بنا کے اوہناں نوں اوتھے بھیج دتا پر اوہ آسام وچ ہی ٹھیکیداری کردے رہے۔ دسویں دی پڑھائی پوری کرکے 1959 وچ دھیریش جلپائیگڑی چلا گیا اتے انندچندر کالج وچ انٹرمیڈیئیٹ سائنس کورس نال اچیری پڑھائی کرن لگ پیا۔

جدوجہد دے راہ تے

ادوں پچھم بنگال وچ سماج واد دے نشانے نوں ساہمنے رکھ کے لوک منگاں لئی جدوجہداں دا ماحول سی۔ دھریش کمار وی کھبیپکھی طالب علم لہر وچ شامل ہو گیا اتے آل انڈیا سٹوڈینٹ فیڈریشن دا اک وقف ورکر بن گیا تے اوہ بھارتی کمیونسٹ پارٹی (سی۔پی۔آئی۔) دا میمبر بن گیا۔

اس دا کم اتے سوچ

نیوگی سبھ توں پہلا اتے بدلویں ترقی تحریک دا سبھ توں وڈا سماجی وچارک سی، پر اسنے وہارک طریقیاں نال اپنے وچاراں نوں عمل وچ لیاؤن لئی ٹریڈ یونین نیتا دے روپ وچ کم کیتا۔ شنکر گہا نیوگی دی شروعات اک مارکسسٹ وجوں ہوئی، پر سالاں دوران گاندھی دے نیڑے آ گئے۔ نیوگی اپنے فلسفی اتے عملی سنسلیشن بارے کہندا اے: “جےَ پرکاش نارائن نے اک اسارو تحریک دی کوشش کیتی سی، پر اوہ ناکام رہا۔ نکسلوادیاں نے تباہی کاری تحریک دی کوشش کیتی، پر اوہ وی ناکام رہا۔ اس لئی میں اس سٹے تے پہنچیا ہاں کہ اسارو اتے تباہی دے وچکار کجھ اکسرتا لیاؤن دی ضرورت اے۔ اس لئی ساڈا نعرہ، 'نشٹ کرن لئی نرمان، اتے نرمان کرن لئی نشٹ کرو۔' ایہہ اس گل نوں دھیان وچ رکھدے ہوئے اے کہ اسیں اپنی ادارہ ولوں اتھے ہسپتال، چھوٹے سکول، ورکشاپاں، سہکاری اتے تہذیبی سسائٹیاں بناؤن دی کوشش کیتی اے۔ ایہناں کوششاں دے ذریعے اسیں لوکاں نوں ایہہ دسن دی کوشش کیتی اے کہ ساڈے من اندر دا نواں سماج کس طرحاں دا اے۔ دوسری چیز جو اسیں اتھے کرن دی کوشش کردے ہاں اوہ اے جمہوریت توں ملے میٹنگاں، ریلیاں، مظاہریاں، یادپتراں، ڈیپوٹیشناں دے موقعیاں راہیں ودھ توں ودھ لابھ لین دا یتن کردے ہاں۔"

 چھتیسگڑ مکتی مورچہ دا بانی

نیوگی راجہارا مائینز دے مزدوراں ول اپنے نظریہ لئی اک سیاسی پارٹی چھتیسگڑھ مکتی مورچہ دا بانی سی۔  ہن ایہہ پارٹی راجہارا ٹاؤن دے ترقی لئی وی کم کر رہی اے۔

قتل

28 ستمبر 1991 نوں نیوگی نوں مار دتا گیا سی جدوں اوہ اقتدار پیا سی۔ ہیٹھلی عدالت نے سارے شکی لوکاں نوں سخت سزا دتے جان دے باو جود ہائر کورٹاں نے صرف اک شکی نوں دوشی قرار دتا سی اتے دو صنعت کاراں نوں چھڈّ دتا سی۔

باہری لنک

• "Niyogi – His Work & Thinking"
• [۱]

حوالے