راچی

راچی

پچھان
دیس:	بوٹے
برادری:	پھلوالے بوٹے
پتی:	راچیورگے
ٹبر:	روپ متی
ٹوکرہ:	راچیاں
سائینسی ناں:	Protea cynaroides

راچی روپ متی ٹبر دا اک پھل اے۔ ایہ راچیاں ٹوکرے دا مانتا والا پھل اے جیہڑا دکھنی افریقہ دا قومی پھل وی اے۔^[۱] ایہ پھل کٹ کے اگر کسے پھل پانڈے وچ رکھیا جاوے تے چنگا چر ٹھیک ریندا اے تے بڑا ودھیا سکیا پھل بندا اے۔ موٹی جڑ ہون باہجوں ایہ اگ وی سہ جاندا اے تے فیر اگ پیندا اے۔

وکھالہ سودھو

راچی اک چاڑی والا بوٹا اے جیدیاں موٹیاں ٹاہنیاں ہوندیاں نیں تے لشکدے پتے ہوندے نیں لامت بوٹے 1 میٹر تک اچے ہوندے نیں پر وکھرے بوٹے وکھریاں تھانواں تے 0.35 میٹر توں 2 میٹر تک دے وی ہوسکدے نیں۔ ایہدا پھل اصل وچ کئی پھلاں دا اکٹھ ہوندا اے جیہڑے دسدے پھل دے وشکار ہوندا اے تے ایہدے دوالے رنگلیاں بریکٹاں ہوندیاں نیں۔ راچی پینڈی رت گزارہ کرلیندا اے۔ پھل گھیر وچ 200 ملی میٹر توں لے کے 300 ملی میٹر تک دا ہوسکدا اے۔ وڈے تکڑے بوٹیاں تے 6 توں 10 دس پھل کھڑ سکدے نیں پر کدے کسے بوٹے تے 40 تک وی پھل لگ جاندے نیں۔

ایہ تیز گرمی تے ٹھنڈ سہ جاندا اے۔ ایہدے پتے موٹے ہوندے نیں جیہڑے وتر نوں باہر نہیں نکلن دیندے تے ایہدی جڑ لمی ہوندی جس توں ایہ ڈونگی زمین وچ پانی تک اپڑ سکدا اے۔ دکھنی دوہرے کالروالا رس پنچھی تے مالاچائیٹ رس پنچھی ایس تے رس پین آندے نیں۔

۔