جٹاں دی اک گوت
شاہ مکھی دھوتھڑ
گورمکھیਧੋਥੜ
کل لوک گنتی
32,000
علاقے جتھے ایہ قبیلہ آباد اے
پاکستان ھندستان
بولیاں

پنجابیہندیاردوانگریزی

مذہب

اسلام Khanda سکھ مت

نالدے نسلی گروہ

جٹسکھ جٹ

دھوتھر ، جٹاں دی اک گوت تے دوجے لفظاں چ ایہہ جٹ قبیلےآں چوں اک قبیلہ اے ۔ اینہاں دا اصل علاقہ دریائے چناب دے چڑھدے کنڈے دا علاقہ اے ۔ پنجاب پاکستان (لہندا پنجاب) چ ڈویژن گجرانوالہ چ ضلع حافظ آباد تے نالدے علاقے ۔ دھوتھر قبیلے دے سکھ ہندستان دی ونڈ دے بعد بھارتی پنجاب چ چلے گئے سن ۔

تریخ سودھو

دھوتھڑاں دی روایات دے مطابق ، اوہ سوریا نسل چوں نیں (سوریا ونشی جنہاں نوں سورج بنسی وی آکھئیا جاندا اے ، آریہ لوکاں دیاں اچیاں سمجھیان جان آلیاں نسلاں ، جداں چندرا وشنی ، ناگا ونشی وچوں اک اے ) ، جہڑے 16ویں صدی عیسوی چ اتلے ہندستان توں پنجاب آئے ۔

دھوتھڑاں دے مطابق اوہ 9ویں یاں 10ویں صدی عیسوی دے دوران افغانستان توں ہندستان چ آئے سن (جداں باقی آریا قبیلے سیتھیا وغیرہ توں پہلے افغانستان تے فیر ہولی ہولی اگے ودھدے ہوئے پنجاب تے ہندستان تک آئے) ۔

سکھ گروآں دی اج دے حافظ آباد تے دوالے دے علاقےآں چ دھوتھڑاں نوں گربانی دی تعلیم تے اینہاں نوں سکھ بنان دیاں ورایاتاں وی ملدیاں نیں ۔ تے ایس علاقے دے دھوتھڑاں دی وڈی گنتی نے سکھ مت قبول وی کر لئیا سی ۔

گنتی سودھو

1860ء دے بعد انگریزاں دی کیتی گئی اک مردم شماری چ دھوتھڑاں دی کل گنتی 1456 سی جنہاں چوں 28 مسلمان تے باقی سکھ تے ہندو سن ۔

اج کل اک آنکڑے دے مطابق اینہاں دی تعداد 10 توں 15 ہزار ہوئے گئی ۔

دھوتھڑاں مطابق اینہاں دا سکھوں گوت دے جٹاں نال قریبی تعلق اے ۔

علاقے سودھو

پاکستان چ دھوتھڑ گجرات ، سیالکوٹ ، گجرانوالہ ، منڈی بہاؤ الدین ، حافظ آباد ، ساہیوال دی تحصیل چیچہ وطنی (چیچہ وطنی چ وسن آلے دھوتھڑ چڑھدے پنجاب دے ضلع ہوشیارپور دی تحصیل دسوہہ توں آئے نیں ) تے بہاولپور چ اک دھوتھڑاں ناں دے اک پنڈ چ رہندے نیں ۔

دھوتھڑاں دی وڈی گنتی ضلع حافظ آباد چ اے جتھے اینہاں دے 11 پنڈ نیں ، جنہاں چ رتا دھوتھڑاں مشہور اے ۔ حافظ آباد شہر دی منڈی چ بوہتی آڑھت وی دھوتھڑاں دی اے ۔ چیچہ وطنی چ دھوتھر چک 44 باراں ایل ، چک نمبر 58 باراں ایل ، چک نمبر 98 باراں ایل تے چک نمبر 22 گیاراں ایل تے کجھ چیچہ وطنی شہر چ وی وسدے نیں ۔ دریائے چناب دے اتلے کنڈے کنجاہ دے لاگے وسدے پنڈ کھوسر' ، پنڈی دھوتھڑاں ، مٹھا چک تے نارنگ وغیرہ وی دھوتھڑاں دے پنڈ نیں ۔

جہانیاں تے بھلوال (سرگودھا) چ وی دھوتھڑاں دی کافی گنتی اے ۔

ہندستان چ دھوتھڑ ریاست ہریانہ دے ضلع کرنال چ وڈی گنتی چ آباد نیں ، ایہہ سارے دھوتھڑ سکھ نیں تے ونڈ ویلے گجرانوالہ ، حافظ آباد تے دوجے علاقےآں توں ہجرت کر کے ہندستان چلے گئے سن تے ضلع کرنال چ جا کے آباد ہو گئے سن ۔ ضلع جالندھر چ واقع پنڈ ملیاں دی وی ادھی آبادی دھوتھڑ جٹاں تے مشتمل اے جالندھر دی ای پنڈاں گورایہ تے دوجےآں چ دھوتھڑ آباد نیں ۔ اسدے علاوہ چڑھدے پنجاب چ ہور گئی ضلعاں چ وی دھوتھڑ آباد نیں ۔

کپورتھلہ شہر دے لاگلے پنڈاں چ وی دھوتھڑاں دی کافی گنتی آباد اے ۔

مذہب سودھو

پاکستان چ وسن آلے دھوتھڑ مسلمان نیں تے ہندستان چ وسن آلے دھوتھڑ سکھ نیں تے خورے کوئی ٹانواں ٹانواں ہندو وی ہو ‏ے ۔

مشہور شخصیتاں سودھو

پاکستان چ دھوتھڑاں دیاں مشہور شخصیتاں چ :

  • ضلع حافظ آباد چ چوہدری نور محمد دھوتھڑ جوڈیشل مجسٹریٹ ، گجرانوالہ اے ، جہڑا کہ صوبائی اسمبلی دے الیکشن چ مبمر صوبائی اسمبلی دع سیٹ لئی کھڑا ہندا اے ۔
  • ڈاکٹر چوہدری صابر علی دھوتھڑ پی ایچ ڈی [[میٹا فزکس)، جنہاں دا تعلق چیچہ وطنی دے پنڈ "چک 44 باراں ایل " نال اے ، میٹا فزکس چ برطانیہ توں پی ایچ ڈی نیں تے پاکستان اٹامک انرجی کمیشن چ اعلی عہدےآں تے خدمات دیندے رہے نیں تے اج کل میانوالی چ چین دے تعاون نال ایٹمی بجلی پیدا کرن لئی قائم کیتے گئے چشمہ ایٹمی پاور پلانٹ چ اعلی عہدے اتے خدمات سرانجام دے رہے نیں تے چشمہ 2 پلانٹ اسارن چ اینہاں دا وڈا ہتھ اے جس لئی اوہ کئی وار چین وی گئے ۔
  • ڈاکٹر خالد رفیق ، پی ایچ ڈی (ایگرونومی)
  • ڈاکٹر محمد افضل ، چیسٹ سپیشلسٹ ، نواز شریف سوشل سیکورٹی ہسپتال ، لہور ۔
  • چوہدری فدا عباس دھوتھڑ ، فوڈ ٹیکنالوجی ۔
  • چوہدری احمد بلال دھوتھڑ ، ایم ایس سی (ایگرونومی)
  • چوہدری احمد محمود ، چوک میتلا ضلع وہاڑی دا اک سرکڈواں کاشتکار ۔
  • سردار جسوندر سنگھ دھوتھڑ ، نائب صدر گرو گوبند سنگھ گردوارہ ، بریڈ فورڈ ، برطانیہ۔
  • پرابھ دھوتھڑ ، پولیس کمشنر ، سرے پولیس ، برطانیہ۔
  • ڈاکٹر ستنام دھوتھڑ ، کیمبرین اینیمل ہسپتال ، کاگری ، برطانیہ ۔
  • میجر رویند سنگھ دھوتھڑ ، آئی جی ، سکول آف آرٹلری ،بھارتی فوج ۔

ہور ویکھو سودھو