یعقوب ابن اسحاق الکندی

یعقوب ابن اسحاق الکندی دا پورا ناں ابو یوسف یعقوب ابن اسحاق الکندی سی ، مغرب چ ایہہ "الکندس " دے ناں نال جانے جاندے نیں ۔ الکندی دا شمار اسلامی دنیا دے اولین حکماء تے فلسفیاں چ ہندا اے ۔ فلسفہ تون علاوہ اینہاں نوں حساب ، طب ، فلکیات تے موسیقی چ وی مہارت حاصل سی ۔ الکندی دے کارنامیاں چ اک کارنامہ اسلامی دنیا نوں حکیم ارسطو دے خیالات توں روشناس کروانا وی سی ۔ قرون وسطی چ اینہاں نوں چند وڈیاں تے اہم شخصیتاں چ شمار کیتا جاندا سی ، جسدا اظہار کارڈانو نے کیتا اے ۔