نعت
نعت نظم دی اِک صنف اے جیہڑی پیغمبر اسلام حضرت محمد مصطفیٰ صلی اللہ علیہ وسلم دی شان تے تعریف وچ لکھی جاندی اے۔
ویروا سودھو
نعت نظم یا غزل دی اجہی قسم اے جیدے وچ پیغمبر اسلام حضرت محمد مصطفیٰ صلی اللہ علیہ وسلم دی شان تے تعریف بیان کیتی جاندی اے۔ ایہہ تعریف اوہناں دی زندگی تے سیرت دے واقعات اُتے بیان کیتی جاندی اے۔ پنجابی ادب وچ نعت دا سرمایہ بہت زیادہ اے۔ جیدی وجہ اے کہ ہر مسلمان شاعر نے پیغمبر اسلام حضرت محمد مصطفیٰ صلی اللہ علیہ وسلم نال محبت تے عقیدت پاروں نعت ضرور لکھی اے تے اپنی عاقبت سنوارن لئی ایہہ سامان پیدا کیتا اے۔
شعری ویروا سودھو
نعت وِچ شعراں دی تعداد دی کوئی پابندی نئیں۔ پنجابی ادب وچ نعت گو شاعراں وچوں میاں محمد بخش، پير مہر علی شاہ، مولوی دِلپذیر، عبداللطیف عارف، حمید عقیقی، رفیق لائل پوری، دائم اقبال دائم، مسلم اویسی، صائم چشتی، اعظم چشتی، عبدالکریم ثمر، ابر وارثی، اقبال صلاح الدین، حفیظ تائب، محمد علی ظہوری زیادہ مشہور نیں۔