میئر
میئر (Mayor) بہت سارے مُلکاں وچ مقامی حکومت وچ اعلا ترین عہدے دار ہُندا اے جِداں کہ شہر، قصبے یا ضلعے دا۔ دُنیا پَعھر وچ مقامی قوانین تے رسم و رواج وچ میئر دے اختیارات تے ذُما داریاں دے ناݪ ناݪ میئر نوں منتخب یا بصورت دیگر مینڈیٹ کرن دے ذرائع دے حوالے توں وی واہوا فرق اے۔ اختیار کردہ نظام اُتے منحصر اے، اک میئر میونسپل حکومت دا چیف ایگزیکٹیو ہوسکدا اے، اک کثیر رکنی گورننگ باڈی دی سربراہی کرسکدا اے جیہدے وچ بہت کَعھٹ اختیارات نیں یا بلکل نئیں، یا اوہ مکمل طور تے رسمی کردار ادا کرسکدا اے۔ اک میئر دے فرائض تے ذُما داریاں میونسپل مینیجرز تے ملازمین دی تقرری تے نگرانی کرنا، حلقہ بندیاں نوں بنیادی سرکاری خِدمات فراہم کرنا تے میونسپل گورننگ باڈی (یا ریاست، صوبے یا قومی گورننگ باڈی ولوں) دے پاس کردہ قوانین تے آرڈیننس اُتے عمل درآمد کرنا ہو سکدا اے۔ میئر دے اِنتخاب دے طریقا کار وچ عوام دے ذریعے براہ راست اِنتخاب یا مُنتخب گورننگ کونسل یا بورڈ دے ذِریعے اِنتخاب شامل نیں۔