طارق عزیز
| طارق عزیز | |
| جنمستھان : | جلندھر، پنجاب |
| جمݨ دیہاڑ : | 28 اپریل 1936 |
| مرن دیہاڑ : | 17 جون 2020 |
| مرنستھان : | لہور |
| کم : | شاعر، اداکار، سیاستدان، ٹی وی میزبان |
| اعزاز : | تمغا حسن کارکردگی |
طارق عزیز اک ٹی وی میزبان، اداکار، نیوزکاسٹر، سیاست دان تے پنجابی دے شاعر سی ۔ 1964 وچ پاکستان وچ ٹیلی ویژن سروس شروع ہوئی تے طارق عزیز پی ٹی وی دے پہلے اناؤنسر بݨے ۔
پڑھائی لکھائی سودھو
طارق عزیز نے مُڈھلی تعلیم ساہیوال توں حاصل کیتی تے بعد وچ گورنمنٹ کالج ساہیوال وچ داخل ہوئے ۔
پیشا ورانہ زندگی سودھو
طارق عزیز نے ریڈیو پاکستان لہور توں اپنی پیشا ورانہ زندگی دا اغاز کیتا ۔ جد 1964ء وچ پاکستان ٹیلی ویژن قائم ہویا تاں طارق عزیز پی ٹی وی دے سبھ توں پہلے اناؤنسر بݨے فیر 1975 وچ شروع کیتے جاݨ آلے اوہناں دے سٹیج شو نیلام گھر نے اوہناں نوں شہرت دیاں بلندیاں تے پہنچا دتا ۔ ایہ پروگرام اوہناں دی حیاتی تک چلدا رہیا ۔ پہلاں ایہدا نام نیلام گھر فیر طارق عزیز شو تے بعد وچ بزم طارق عزیز رکھ دتا گیا ۔ طارق عزیز دا پروگرام 1996 وچ بند ہو کے دوبارہ 1997 وچ طارق عزیز شو دے ناں نال چل پیا ۔آخری دفعا 1999 وچ اوس ویلے بند ہو گیا جد پرویز مشرف نے حکومت تے قبضا کرلیا فیر جولائی 2004 وچ بزم طارق عزیز دے ناں نال دوبارہ شروع ہو گیا تے طارق عزیز دی حیاتی تک پاکستان ٹیلی ویژن تے چلدا رہیا ۔ طارق عزیز نے ریڈیو تے ٹی وی پروگراماں توں علاوہ فلماں وچ وی اداکاری کیتی ۔ اوہناں دی سبھ توں پہلی فلم انسانیت (1967 ) سی تے اوہناں دیاں دوجیاں مشہور فلماں سالگرہ ، قسم اس وقت کی ، کٹاری ، چراغ کہاں روشنی کہاں ، ہار گیا انسان نیں ۔ اوہناں دی فنی خدمات دے اعتراف وچ حکومت پاکستان ولوں اوہناں نوں بہت سارے اعزازات وی مل چکے نیں ۔ 1992 وچ تمغا حُسنِ کارکردگی وی ملیا ۔
سیاست وچ سودھو
طارق عزیز سیاست وچ وی دلچسپی رکھدے سن ۔ طارق عزیز نے کالج دے زمانے وچ ای سیاسی سرگرمیاں وچ حصہ لینا شروع کردتا سی ۔ 1997 وچ پاکستان مسلم لیگ ن ولوں الیکشن جِت کے قومی اسمبلی دے ممبر بݨݨ گئے ۔ 1999 وچ فوج دے ہتھوں مسلم لیگ (ن) دی حکومت ختم کردتی گئی ۔ طارق عزیز نوں سپریم کورٹ دیاں کندھاں ٹپن تے اوہدی توہین کرن دے الزام دا سامݨا کرنا پیا ۔ طارق عزیز دی گھر آلی ہاجرہ طارق 2002 توں 2007 تک مسلم لیگ ق ولوں قومی اسمبلی دی ممبر رہی ۔
پنجابی شاعری تے لِکھتاں سودھو
طارق عزیز اک ادب تے علم دوست شخصیت سن ۔ اوہناں دا مطالعا بہت وسیع سی ۔ اوہناں دے کالماں دا اک مجموعا ’’داستان‘‘ دے نام نال تے پنجابی شاعری دا مجموعا ’’ہمزاد دا دکھ‘‘ چَھپیا اے ۔ اوہ پنجابی وچ شاعری کردے سن ۔
|
گناہ کیہ اے، ثواب کیہ اے ۔ ۔ ایہ فیصلے دا عذاب کیہ اے
|
|
میں سوچدا واں چونہاں دِناں لئی ۔ ۔ ایہ خواہشاں دا حساب کیہ اے
|
|
جے حرف اوکھے میں پڑھ نئیں سکدا ۔ ۔ تے فیر جگ دی کتاب کیہ اے
|
|
ایہ سارے دھوکھے یقین دے نیں ۔ ۔ نئیں تے شاخ گلاب کیہ اے
|
|
ایہ ساری بستی عذاب وچ اے ۔ ۔ تے حکم عالی جناب کیہ اے
|
کتاباں سودھو
- ہمزاد دا دکھ
اعجاز انور · انور مسعود · اشفاق احمد · اشرف امان · اشرف طائی · افتخار عارف · آصف باجوہ · احمد غلام علی چھاگلہ · احمد ندیم قاسمی · اسلم فرخی · اقبال مہدی · امانت علی خان · امیر حمزہ شنواری · بندو خان · بشرح انصاری · بروجن داس · شہباز ملک · حفیظ جلندری · فخر زمان · نور جہاں · ثریا ملتانیکر · خواجہ خورشید انور · جمیل الدین عالی · نثار بزمی · نازیہ حسن · عالم لوہار · عارف لوہار · محمود علی · شاہد آفریدی · جاوید اقبال · جہانگیر خان · خالد عباس ڈار · دینا ایم مستری · رؤف خالد · زہرہ نگاہ · سعید رشید · سلیم الزماں صدیقی · سہیل رانا · شان شاہد · شفیع محمد · ضمیر نیازی · طارق مصطفا · طلعت حسین · عابدہ پروین · عباس الدین احمد · عطا الحق قاسمی · غلام حسن شگن · غلام محمد قاصر · فتح علی خان · لطیف کپاڈیا · محمد بشیر · محمد علی · ملکہ پکھراج · عبید اللہ بیگ · منی بیگم · مکرم بخاری · مہدی حسن · معین اختر · وحید قریشی · ٹینا سانی · بھولو پہلوان · حیا ت الله خان درانی · یونس خان · شعیب منصور · صبا حمید · فاطمہ ثریا بجیا · قتیل شفائی · مجاہد کامران · نزیر صابر · میرا · منو بھائی