سر کریک ہندوستانی ریاست گجرات تے پاکستانی صوبے سندھ دے درمیان دا علاقہ اے۔ مگر حالے تک سر کریک اُتے ہندوستان تے پاکستان دے وچکار بین الاقوامی سرحد دا تعین ہونا باقی اے۔ سٹھ توں سو کلومیٹر دے اس علاقے وچ بہت سارے کریک یعنی خلیج تے دریاواں دے دہانے نیں۔ اس علاقے دا تنازع 1960ء دی دہائی وچ سامنے آیا سی جس اُتے 1968ء وچ پاکستان تے بھارت دے درمیان اک ویسٹرن باؤنڈری ٹرائیبیونل ایوارڈ قائم کیتا گیا لیکن ایہ طے نہیں ہو سکیا کہ سر کریک دے علاقے وچ بین الاقوامی سرحد دا تعین کس قانونی بنیاد اُتے کیتا جائے۔ اس علاقے دا کچھ حصہ آبی اے تے کچھ حصہ خشک۔ پاکستان تے بھارت دے مابین کئی دفعہ اس مسئلہ اُتے مذاکرات ہوچکے نیں لیکن اس اُتے وی کوئی فیصلہ نہیں ہو سکیا اے۔ بھارت دا کہنا اے کہ اس علاقے وچ سرحد دے تعین دے لئی بین الاقوامی قانون دا اوہ اصول استعمال کیتا جائے جو سمندر دے اندر سرحد دے تعین دے لئی بنایا گیا اے۔ جدونکہ پاکستان دا کہنا اے کہ ایہ اصول صرف پانی والے علاقے اُتے عائد ہُندا اے لیکن ایتھے پانی تے خشکی دونے موجود نیں لہذا بھارت دی استدلال غلط اے۔ دوناں ملکاں دی اس علاقے وچ دلچسپی ایتھے اُتے ماہی گیری دی وسیع صنعت تے تیل دے وافر ذخائر اے۔ دونے ملکاں دے درمیان اختلاف اس گل اُتے اے کہ آخر سرحد کس جگہ اے۔ پاکستان دا کہنا اے کہ سرکریک دا پورا علاقہ اس دا اپنا اے۔ لیکن ہندوستان اسنوں تسلیم کرنے توں انکار کردا اے۔ سرکریک دے علاقے وچ سرحدی برجیاں لگانے دے لئی دوناں ملکاں نے اک مشترکہ سروے وی کیتا سی جس نوں مقررہ وقت توں پہلے ہی مکمل کر لیا گیا سی مگر فیر وی کوئی بات نہیں بنی۔

سر کریک

ہور ویکھو سودھو

حوالے سودھو