د یوزوئل سسپیکٹس
ہدایتکاربرائن سنگر
بنان آلے
لکھاریکرسٹوفر مککواری
ستارے
میوزکجون اوٹمین
عکسبندینیوٹن تھومس سیگل
ادارتجون اوٹمین
محصولی
ادارہies
ونڈن آلے
تاریخ نمائش
  • جنوری 25, 1995 (1995-01-25) (سنڈانس)
  • اگست 16, 1995 (1995-08-16) ( امریکہ)
ویلہ
106 منٹ[۱]
دیسامریکہ
بولیانگریزی
لاگت$6 ملیان[۲]
باکس آفس$34.4 ملیان[۲]


دی یوزوئل سسپیکٹس اک امریکی نیو-نوئر[۳] پراسرار فلم اے جسنوں برائن سنگر نے ڈاریکٹ کیتا اے اتے کہانی کرسٹوفر مککواری نے لکھی اے۔ اس فلم وچ مکھ اداکار سٹیفن بالڈون، گیبریئل بائرن، بینیشیؤ ڈیل ٹورو، کیون پولک، چیز پالمنٹیری، پوسلیتھویٹ اتے کیون سپیسی ہن۔

فلم دی کہانی روجر "وربل" کنٹ دی پچھ-گچھ توں شروع ہندی اے، جہڑا کہ چھوٹی-موٹی ٹھگی مارن والا بندہ اے اتے جہڑا قتل عام اتے لانس اینجلس دی بندرگاہ اپر کھڑے سمندری جہاز وچ لگی بھیانک اگّ وچوں زندہ رہِ سکے صرف دو انساناں وچوں اک اے۔ اوہ پچھگچھّ کرن والے اک پولیس والے نوں اک ولیویندار کہانی سناؤندا اے جہڑی کہ ہال وچ بیتیاں واقعے بارے اے، جہڑیاں اسنوں اتے اسدے سہیوگیاں نوں سمندری جہاز اپر ہون والے جرم ول لیں جاندیاں ہن۔ استوں علاوہ اسدی کہانی وچ اک پراسرار باسّ وی اے، جسدا نام کائیزر سوزے اے اتے جسنے اوہناں نوں اس کم لئی چنیا سی۔ فلیشبیک اتے اسدے بیاناں نال کنٹ دی کہانی بہت ہی گنجھل دار ہندی جاندی اے۔ اس فلم نوں بناؤن وچ 6 ملیان ڈالر دا خرچ آیا سی اتے اس فلم دا سرلییکھ اک میگزین دے کالم جسدا نام د یوزوئل سسپیکٹس سی، توں لیا گیا اے۔

اس فلم نوں 1995 کانس فلم فیسٹیول وچ وکھایا گیا سی، [۴] اتے پہلاں-پہلاں کجھ ہی تھئیٹراں وچ رلیز کیتا گیا سی۔ اس فلم نوں چنگیاں تنقیداں ملیاں اتے اس فلم نوں وڈے پدھر تے رلیز کیتا گیا۔ مککواری نوں اس فلم لئی سبھ توں ودھیا مولک سکرینپلے لئی اکادمی اوارڈ دتا گیا اتے سپیسی نوں اسدی اداکاری لئی سبھ توں ودھیا معاون اداکار لئی اکادمی اوارڈ نوں دتا گیا سی۔ اس فلم دی سکرینپلے نوں رائیٹرز گلڈ آف امیریکا نے ہن تک دیاں فلماں وچوں سبھ توں ودھیاں 35ویں سکرینپلے نال نوازیا اے۔[۵]

کہانی سودھو

اس فلم دی شروعات مجرم ڈین کیٹن نال ہندی اے جہڑا سین پیدرو بندرگاہ تے کھڑے سمندری جہاز وچ بری طرحاں زخمی ہویا پیا اے۔ گل بات توں پتہ لگدا اے کہ اوہ اپنیاں لتاں ہلاؤن وچ اہل اے۔ اسدا ساہمنا اک پراسرار انسان نال ہویا اے جسنوں کائیزر کہہ کے بلاؤندا اے، اتے جہڑا اسدی گولی مار کے قتل کردا اے اتے جہاز نوں اگّ لا دندا اے۔

جہاز اپر ہوئے اس قتل وچوں صرف دو لوک زندہ بچدے ہن: ارکوش کوواش، اک ہنگیریئن بدمعاش جسدا سریر بری طرحاں سڑ گیا اے اتے ہسپتال پیا اے اتے دوجا روجر وربل کنٹ، جہڑا کہ اک چلاک ٹھگّ اے اتے جسنوں ادھ رنگ دی بیماری اے۔ کسٹم ایجنٹ ڈیو کیان نیویارک شہر توں وربل دی پچھ-گچھ کرن لئی آؤندا اے۔ فلیشبیک وچ کنٹ وربل ولوں اوہ واقعے بیان کیتیاں گئیاں ہن جہڑیاں اسنوں، کیٹن، مائیکل مکمانس، فریڈّ فینسٹر اتے ٹوڈ ہوکنی نوں جہاز اپر لے جاندیاں ہن۔

فلیشبیک وچ، جہڑی کہ چھ ہفتے پہلاں نیویارک دی گل اے، وربل اتے ہور مجرماں نوں اک ہتھیاراں نال بھریا پولیس ٹرکّ اگواہ کرن دے معاملے وچ گرفتار کیتا جاندا اے اتے اوہ پولیس توں بدلہ لین لئی اک ہور وڈی ڈاکہ مارن دی صلاحَ بناؤندے ہن۔ اس گروہ دا مکھی کیٹن اے، جہڑا کہ اک سابقہ پولیس والا اے۔ ایہہ اک بھرشٹ پولیس دل نوں لٹدے ہن جہڑے پولیس دی سرکھیا وچ سمگلراں دا سامان ادھر-ادھر کردے سن۔ اس پچھوں اوہ کیلیفورنیا جاندے ہن، جتھے اوہ لٹے گئے ہیریاں نوں اک اپرادھی انسان ریڈفٹ کول ویچن لئی جاندے ہن۔ ریڈفٹ اوہناں نوں اک ہور ہیریاں اتے پیسیاں دا ڈاکہ مارن دی صلاحَ دندا اے۔ اس مصلے وچ اوہناں نوں تن ویکتیاں دی جان لینی پیندی اے۔ پچھوں پتہ لگدا اے کہ اوہ ہیروئن اے اتے اوہناں پنجاں نوں اپنے باہر نکلن دا رستہ آپ لبھنا پویگا۔ تھوڑھی دیر پچھوں، اک وکیل جسدا نام کوبایاشی اے اوہناں نوں کائیزر سوزے بارے دسدا اے، جہڑا ترکی دا خطرناک اپرادھی اے اتے جسدا رتبہ چوراں-گروہاں وچ بہت اچا اتے رہسّ بھریا اے۔ اوہ دسدا اے کہ سوزے اوہناں نوں اک کم سونپنا چاہندا اے جس وچ اوہناں نوں اک سمندری جہاز اپر حملہ کرنا پویگا۔ اس جہاز اپر ارجنٹینیائی ڈرگّ ڈیلر ہونگے اتے جہاز اپر 91 ملیان ڈالر دی کوکین اے، جہڑی اوہناں نوں جہاز اپر اگّ لا کے تباہ کرنی ہوویگی کیونکہ اوہ لوک کائیزر دے مخالف ہن۔

جدوں کیان نوں ایف۔بی۔آئی۔ ایجنٹ جیک بیئر توں سوزے بارے پتہ اے تاں اوہ وربل نوں اس بارے سوال کردا اے۔ وربل کیان نوں سوزے بارے اک کہانی سناؤندا اے: کہ سوزے نے اپنے پروار نوں آپ ہی مار دتا سی جدوں اسدے پروار اپر ہنگیریئن اپرادھیاں نے حملہ کیتا سی اتے پھر اسنے ہنگیریئناں اتے اوہناں دے پروار اتے اوہناں دے سارے رشتے داراں تک نوں وی مار دتا سی۔ اس توں بعد اوہ لاپیؤ ہو گیا اتے پھر اسنوں کسے نے نہیں ویکھیا۔ اس پچھوں اوہ اپنا کاروبار صرف اپنے ہیٹھلے لوکاں دے ذریعے کردا اے اتے اوہناں نوں کجھ نہیں پتہ ہندا کہ اوہ کسدے لئی کم کردے ہن۔ اس پچھوں اوہ اک خطرناک متھّ کہانی بن گیا، "اک اجیہی ڈراؤنی کہانی جہڑی رات نوں اپرادھی اپنے بچیاں نوں سناؤندے ہن۔"

جدوں فینسٹر ہال وچ لٹے ہوئے سارے پیسے لے کے گروپ چھڈّ کے الگ ہو جاندا اے تاں کوبایاشی اوہناں نوں اس تھاں دا پتہ دسدا اے جتھے اوہناں نوں فینسٹر لاش ملیگی۔ اوہ کوبایاشی نوں مارن دی کوشش کردے ہن پر کوبایاشی اوہناں دے چاہن والیاں نوں مارن اتے چوری دے بارے پولیس نوں سوہ دین دیاں دھمکیاں کارن اوہناں توں مضبوط نکلدا اے۔ اوہ جہاز اپر جاندے ہن اتے کئی ارجینیائی اتے ہنگیریئن گینگسٹراں نوں مار دندے ہن پر اوہناں نوں جہاز اپر کوئی نشہ نہیں ملدا۔ مکمانس، ہوکنی اتے اک آدمی جہڑا کہ جہاز وچ بنھیا ہویا سی، نوں اک انویکھے آدمی ولوں مار دتا جاندا اے، اس پچھوں اوہ کیٹن نوں وی مار دندا اے اتے وربل دے ویکھدے-ویکھدے جہاز نوں اگّ لگا دندا اے۔

وربل اپنی کہانی دا انت کردا اے، پر کیان نوں اس اپر یقین نہیں اے۔ اوہ اک کہندا اے کہ کیٹن ہی سوزے ہو سکدا اے، کیونکہ جہاز اپر اک ماریا گیا انسان آرترو مارکئیز سی، جہڑا کہ اک ڈرگّ ڈیلر اتے مقدمے وچ ایہہ کہہ کے باہر نکل گیا سی کہ اوہ سوزے نوں پچھان سکدا اے اتے جسنوں ایڈی فنرن ولوں پیش کیتا گیا سی، جہڑی کیٹن دی وکیل اتے گرلفرینڈ سی۔ کیان کہندا اے کہ ارجنٹینیائی، مارکئیز نوں سوزے دے ہنگیریئن دشمناں نوں ویچ راے سی اتے کیٹن نے ایہہ کوکین دی کہانی دھیان ہٹاؤن لئی گھڑھی سی تاں کہ اوہ مارکئیز نوں مار سکے۔ کیان وربل نوں ایہہ وی دسدا اے کہ فنرن دا قتل ہو گیا اے۔ وربل کہندا اے کہ ایہہ ساری ویونت کیٹن دی اے، پر اوہ کورٹ وچ ایہہ کہن لئی تیار نہیں اے۔ وربل نوں ضمانت تے رہا کر دتا جاندا اے۔

تھوڑھی دیر بعد کیان نوں اچانک اپنے ساہمنے لگے بورڈ توں پتہ لگدا اے کہ وربل دی ساری کہانی اک سفید جھوٹھ اے، جہڑی اسنے اسے دفتر وچ لگے ہوئے اک خبراں والے بورڈ پڑھ کے گھڑھی سی۔ اسے ویلے دوران، وربل باہر تر رہا اے اتے اسنے اکدم ٹھیک ترنا شروع کر دتا اے اتے اپنے ادھ رنگ نال مارے ہتھ نوں وی عامَ انسان وانگ ہلا رہا اے۔ جدوں کیان وربل پچھے بھجن لگدا اے تاں اسے ویلے ہسپتال وچوں اک فیکس آؤندی اے جتھے کوواش دا علاج ہو رہا اے: اس فیکس وچ کوواش ولوں دسیا گیا سوزے دی تصویر دا سکیچّ اے، جہڑا کہ بالکل وربل ورگا اے۔ کیان وربل نوں بالکل نیڑیوں جا کے گوا دندا اے کیونکہ اوہ اک کار وچ سوار ہو جاندا اے جسنوں "کوبایاشی" چلا رہا سی۔

پاتر سودھو

  • گیبریئل بائرن نے ڈین کیٹن دی کردار نبھایا اے۔ کیون سپیسی بائرن نوں اک پارٹی وچ ملدا اے اتے اسنوں ایہہ فلم کرن لئی پچھدا اے۔ بائرن نے سکرینپلے پڑھی اتے منع کر دتا، ایہہ سوچدے ہوئے کہ اوہ اسنوں ٹھیک ڈھنگ نال فلما نہیں سکنگے۔ بائرن سکرینلکھاری کرسٹوفر مککواری اتے سنگر نوں ملیا اتے فلم بارے سنگر دے وچاراں توں اوہ بہت متاثر ہویا۔ حالانکہ بائرن اس ویلے کجھ نجی مصیبتاں وچ الجھیا ہویا سی اتے اسنے اوہناں توں 24 گھنٹیاں دا سماں لیا۔ اس پچھوں اوہ اس فلم نوں کرن لئی راضی ہو گیا اتے لاس اینجلس وچ اسدی شوٹنگ شروع ہوئی جتھے کہ بائرن رہندا سی اتے اسنے 5 ہفتیاں وچ اس فلم وچ اپنا رول کیتا۔[۶]
  • کیون سپیسی نے روجر "وربل" کنٹ دی کردار نبھایا اے۔ سنگر اتے مککواری نے اسنوں فلم دی سکرینپیل بھیجی سی پر ایہہ نہیں دسیا سی کہ اس وچ اسدا رول کہڑا اے۔ سپیسی نے سنگر نال گل کیتی اتے اسنوں دسیا کہ اوہ کیٹن اتے کجان دے رول کرن وچ رچی رکھدا اے پر اسنوں کنٹ دا رول دتا کیونکہ مککواری نے اسنوں دھیان وچ رکھ کے ہی ایہہ رول لکھیا سی۔[۶]
  • سٹیفن بالڈون نے مائیکل مکمانس دی کردار نبھایا اے۔ ایہہ ایکٹر آزاد فلماں کر-کر کے اکّ گیا سی پر اسدیاں امیداں پوریاں نہ ہو سکیاں۔ جدوں اوہ ڈریکٹر بریان سنگر نوں ملیا تاں اسنے اس نال 15 منٹ لمی گل بات کیتی کہ اوہ اس نال کس طرحاں کم کرنا چاہندا اے۔ جدوں بالڈون نے اپنی گل پوری کیتی تاں سنگر نے اسنوں دسیا کہ اسنوں استوں کی امید اتے اوہ کی چاہندا اے، جسنوں سنکے بالڈون متاثر ہو گیا۔[۶]
  • بینیشیؤ ڈیل ٹورو نے فریڈ فینسٹر دی کردار نبھایا اے۔ سپیسی نے اس رول لئی ٹورو دے نام دا سجھاء دتا سی۔ ڈیل ٹورو سنگر اتے فلم دے کاسٹنگ ڈائریکٹر نوں ملیا اتے اوہناں نوں دسیا کہ اوہ آڈیشن نہیں دے سکدا کیونکہ اسنوں اس طرحاں اسہجتا ہندی اے۔[۶] سکرپٹ پڑھن توں بعد ٹورو نوں پتہ لگیا کہ اسدے پاتر دا اکو مقصد سوزے دے ہتھوں ماریا جانا اے جتھوں کہ سوزے دی طاقت دا اندازہ لگ سکے اتے کہ اسدے رول دا کہانی اپر کوئی بہتا اثر نہیں اے۔ نتیجے وجوں، ڈیل ٹورو نے فینسٹر والی وچتر اتے وگڑے ہوئی بھاشن تکنیک دا استعمال کیتا تاں کہ اسدے پاتر نوں فلم وچ تھوڑھا یادگار بنایا جا سکے۔[۷]
  • کیون پولک نے ٹوڈ ہوکنی دی کردار نبھایا اے۔ اوہ سنگر نوں ایہہ فلم کرن بارے ملیا پر جدوں اسنے سنیا کہ دو ہور ایکٹر وی اس رول لئی آڈیشن دے راے ہن تاں اوہ واپس آ گیا اتے آڈیشن دتا جس توں اسنوں ایہہ رول مل گیا۔[۶]
  • چیز پالمنٹیری نے امریکی کسٹم دے سپیشل ایجنٹ کیان دا رول نبھایا اے۔ سنگر نے اس رول لئی ہمیشہ اسنوں چاہیا سی، پر اوہ ہر وار وہلا نہیں ہندا سی۔ اس رول نوں کرسٹوفر والکن اتے روبرٹ دے نیرو نوں پیش کیتا اتے دوواں نے ہی ایہہ رول کرن توں منع کر دتا۔ فلمکاراں نے تاں ال پچینو تک وی ایہہ رول دی تجویز رکھی پر اسنے وی ایہہ رول کرن توں منع کر دتا کیونکہ اسنے فلحال وچ ہی ہیٹ فلم وچ اک پولیس والے دا رول نبھایا سی۔ پالمنٹری اک ہفتے لئی وہلا سی۔ اوہ اپنیاں پچھلیاں دو فلماں کرکے ہائی-پروفائیل سٹار بن گیا سی جس کرکے اسنوں اس رول لئی کافی پیسے دتے گئے سن۔[۶]
  • پیٹے پوسلیتھویٹ نے مسٹر کوبایاشی دا رول نبھایا اے جہڑا کہ سوزے دا سجا ہتھ اے۔
  • سوزی کیمرون نے ایڈی فنیرن دی کردار نبھایا اے، جہڑی کہ اک مشہور اپرادھی وکیل اے اتے کیٹن دی گرلفرینڈ اے۔
  • گیانکارول ایسپوسیتو نے ایف۔بی۔آئی۔ دے سپیشل ایجنٹ جیک بیئر دا رول کیتا اے، اوہ جہاز نوں لگی اگّ بارے پڑتال کردا اے۔
  • ڈین ہیڈایا نے سارجینٹ جیفری "جیف" دا رول کیتا اے، جہڑا کیان دی وربل توں پچھگچھّ کرن ویلے اسدے کول رہندا اے۔

ہندی ریمیک سودھو

بھارت دی اک ہندی فلم د یوزوئل سسپیکٹس دے اپر مشتمل اے جسدا نام چوکلیٹ اے۔ ایہہ فلم 2005 وچ رلیز ہوئی سی۔[۸]

باہری جوڑ سودھو

حوالے سودھو

  1. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  2. ۲.۰ ۲.۱ سائیٹ غلطی:نا منیا جان والا <ref> ٹیگ کوئی لکھت نئیں دتی گئی اتے پتے Gross لئی۔
  3. Conard, Mark T (2007). The Philosophy of Neo-Noir. University Press of Kentucky. ISBN 978-0-8131-3717-9. 
  4. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  5. سائیٹ غلطی:نا منیا جان والا <ref> ٹیگ کوئی لکھت نئیں دتی گئی اتے پتے WGA101 لئی۔
  6. ۶.۰ ۶.۱ ۶.۲ ۶.۳ ۶.۴ ۶.۵ Burnett, Robert Meyer (2002). "Round Up: Deposing The Usual Suspects". The Usual Suspects Special Edition DVD (MGM). 
  7. Planas, Roque (جنوری 30, 2015). "Benicio Del Toro’s Weird Accent In ‘The Usual Suspects’ Should Have Won The Oscar For Best Foreign Film". Huffington Post. 
  8. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).