"<span lang="ur">ٹینک</span>[[ گٹھ:مضامین جنہاں وچ اردو بولی دا متن شامل اے ]]" دیاں دہرائیاں وچ وکھراپا

21ویں صدی دا ٹینک پوری اک صدی دے ڈیزائن تے ٹیکنالوجی دا نچوڑ اے۔ اج کل دا ٹینک ہر لحاظ نال اک زبردست جنگی گڑی اے۔ پہلی جنگ عظیم دے ٹینک اندازے توں گولے ماردے سن تے اج کل دے ٹینک ليزر نال نشانا لے کے گولے ماردے نیں, [[دوجی جنگ عظیم]] دے ٹینک ٹردے ہوۓ گولا نئیں مار سکدے تے اج دے ٹینک ٹردے ہوۓ ٹردی شے نوں 4 کلومیٹر دی دوری توں مار سکدے نیں، پہلی جنگ عظیم دے ٹینک 7 [[کلومیٹر]] فی کینٹا تے ٹر سکدے سن تے اج دے ٹینک 70 [[کلومیٹر]] فی کینٹے دی رفتار تے ٹر سکدے نیں۔

 

ٹینکاں نوں پہلی جنگ عظیم توں پہلاں کئی [[یورپ|یورپی]] انجنیئراں نے بنان دی کوشش کیتی تے کجاں دا ڈیزائن کم دا سی مگر سب توں پہلاں برطانیہ نے اک چنگا جنگی ٹینک بنایا۔ اے ٹین 1916 چ بنایا گیا تے اسے سال اینوں پہلی جنگ ‏عظیم چ ورتیا گیا۔ [[برطانیہ]] نے جنگ دے دوران 150 ٹینک بناۓ تے [[جرمنی]] نے صرف 15 اپنے ڈیزائن کیتے ہوۓ ٹینک۔ اس توں علاوہ [[فرانس]] نے وی اپنا پہلا ٹینک رینالٹ FT-17 بنایا اے پہلا ٹینک سی جیدی توپ 360 ڈگری کم سکدی سی۔ کیونکہ پہلی جنگ عظیم دے ٹینکاں چ کئی تکنیکی مسئلے سن اس واسطے اے کوئی بوتا کم نا کر سکیا۔ مگر کمانڈراں نوں اس گل دا اندازہ ہو گیا کے ٹینک اک کم دی شے اے۔

پہلی جنگ عظیم توں بعد امریکہ، روس، برطانیہ، فرانس تے جرمنی چ ٹینک دی ٹیکنالوجی دے اتے تیزی نال کم شروع ہو گیا۔ جرمنی نے سب توں پہلاں ٹینکاں نوں ورتن دا اک نوا ول کڑیا تے اینوں دوجی جنگ عظیم چ بوت زبردست نتیجیاں دے نال ورتیا۔ دوجی جنگ عظیم چ جرمنی نے ٹینکاں توں تیزے دے نال حملہ کرا کے اک ہفتے چ فرانس نوں ہرا دتا تے قبضہ کر لیا۔ اے جنگ اونے بہتر ولاں تے ہتھیاراں دے نال فرانس دیاں جنگی حماقتاں دی وجہ توں وی جتی سی۔

دوجی جنگ عظیم چ پہلی واری ٹینکاں نوں زبردست فائدہ چکدے ہوئیاں ورتیا گیا سی۔ جرمنی دے اک جنگی پلینر دے دسیا کے جتھے ٹینک ہون گے اوتھے ہی جنگ دی وڈی لڑائی ہوۓ گی۔ اودی گل درست ثابت ہوئی تے جرمنی نے ٹینکاں توں برپور فیدا چکیا تے فرانس تے یورپ دے بوتے علاقے تے قبصہ کر لیا۔ جرمنی افریقہ چ برطانیہ دے نال دوجی جنگ عظیم چ لڑدا ریا مگر ٹیم دے اتے لاجسٹک مدد نا ملن تے جنگ ہار گیا۔ روس چ وی شروع چ جرمنی روس دے بہتر ٹینک T-34 توں مار کھاندا ریا مگر فیر جرمنی نے نوے ٹینک بناۓ جینے اس کمی نوں پورا کر دتا۔ مگر روس نے گنتی چ جرمنی نوں پچھے چھڑ دتا۔ اوناں بوت زيادہ ٹینک جنگ دے دوران بناۓ۔ ٹینکاں دی سب توں وڈی جنگ دوجی جنگ عظیم چ جرمنی تے روس دے درمیان کرک دے پنڈ چ ہوئی۔ جرمنی کول بہتر ٹینک سن مگر روس کول بوتی گنتی چ ٹینک سن جیدے توں جرمنی مار کھا گیا۔ کرسک دی لڑائی چ تقریبا 8000 ٹینک سن جیناں چوں 3000 [[جرمنی]] تے 5000 [[روس]] دے سن۔

ٹھنڈی جنگ چ نیٹو تے وارسا پیکٹ دے درمیان ہتھیاراں دی دوڑ لگ گئی جیدے چ ٹینک دی ٹیکنالوجی نوں بوت تیزی دے نال ترقی دتی گئی۔ دوجی جنگ عظیم چ نکی دوری تک لڑن واسطے ٹینک دا ڈیزائن مکمل سی مگر ٹھنڈی جنگ چ دوجی جنگ عظیم چ بنائیاں گئیاں ٹیکنالوجیاں: وڈے برج، چنگی سسپنشن، ودیا انجن، ٹلوان آلا بکتر تے وڈے ناپ دی توپ، دی نیو اتے نویاں ٹیکناجیاں بنائیاں جیناں چ ودیا توپ چلان دا طریقہ، توپ دا نشانہ پکا رکھن واسطے گائروسکوپ دا ورتن، ریڈیو نال گل بات کرن چ بہتری، ڈریوراں دا ارام تے لیزر تے انفراریڈ دے سمان دی ٹینک چ نیو شامل اے۔ اسے ویلے چ ٹینکاں نوں مارن واسطے [[میزائل]] وی چنگے ہوندے گۓ اس لئی ٹینک دے بکتر نوں وی ودیا کیتا گیا۔ ٹینک دے بکتر چ اک نوی شے Explosive Reactive Armour سی۔ اے ٹیلاں جیاں ہوندیاں نے جیدے تے جدوں کوئی گولا لگے تے پھٹ جاندیاں نے تے ٹینک بچا ریندا اے۔ اسے دوران ٹینکاں دے گولیاں چ اک نوی شے Sabot گولا آیا۔ اے ہر قسم دے بکتر نوں توڑن دی خاصیت رکھدا اے۔ اینوں ماڑے یورینیم یا ٹنگسٹن توں بنایا جاندا اے۔

 

روس نے سرد جنگ چ [[ٹی-80 ٹینک]] بنایا ایدے چ پہلی واری اک گیس ٹربائن انجن لگیا ہویا سی(دوجیاں ٹینکاں چ ڈیزل انجن ہوندا اے سواۓ [[ایم 1 ایبرم]] دے)۔ اس انجن دی وجہ توں اے بوت تیزی دے نال ٹر سکدا سی تے اس ٹینک دے مقابلے دا نیٹو کول کوئی ٹینک نئیں سی۔ نیٹو نے حساب لایا کے اگر ٹی-80 ٹینکاں توں [[روس]] نے حملہ کیتا تے [[یورپ]] دا کافی حصہ اونے دے کول آجاۓ گا تے ٹی-80 نوں روکن واسطے کوئی ٹینک نئیں ہوۓ گا۔ اس واسطے [[امریکہ]] نے [[اپاشے ہیلیکاپٹر]] بنایا جیڑا کے ٹینک نال لڑن واسطے سب توں بہترین مشین منی جاندی اے۔ سرد جنگ دے دوران مختلف لڑائیاں چ جیڑیاں اسرائیل لڑیاں گئیاں اوناں چ اے حساب لایا گیا کے ہیلیکاپٹر ٹینکاں نوں روکن واسطے زبردست مشین نیں۔

ٹھنڈی جنگ دے ختم ہون توں بعد سارے جگ چ جنگی بجٹ کٹا دتا گیا مگر ٹینکاں دی ٹیکنالوجی چ فیر وی بہتری آندی رئی۔ [[جرمنی]] نے لیپرڈ 2 ٹینک بنایا جیڑا کے دوجے تمام ٹینکاں توں بہتر اے۔ ایدی گولے مارن دی طاقت یا باقی شیواں تے دوجیاں ٹینکاں دے نال دیاں نے مگر ایدے چ [[انٹرنیٹ]] ورگی بات چیت ہو سکدی اے جس دی وجہ توں ہر ویلے اے لڑائی دے کسے وی کونے دی سیانف اونوں لب سکدی اے جیدی وجہ توں اوہ دوجے ٹینکاں توں بہتر کم کردا اے۔

 

[[Category:ٹیکنالوجی]]

[[lt:Tankas]]

[[lv:Tanks]]

[[mk:Тенк]]

[[ml:യുദ്ധ ടാങ്ക്]]